Mithi Ruang 3000 Ur Theinak ih  Thuk An Tuah Rero Thu Military Council Ralkap-in Puang.

Mithi Ruang 3000 Ur Theinak ih  Thuk An Tuah Rero Thu Military Council Ralkap-in Puang.


Military council Yangon region sungih thlanmualah ni khatah mithi ruang 3000 tlun ur theinak dingih thuk 10 cu a rualin tuah rero a si thu MRTV fehtlangin tihni sunah khan an puang ih, Yi-wei thlanmualah ruang rawlh luhtheinak ih thuk kua 5 nei mi panga cu tuah rero lai a si.

An theh a si len mithi ruang 50 cu Nazi 1 sungah ur thluh thei a si dingih, Hi thlanmual pakhat lawngah ni khatah mithi ruang 1000 tlun a ur thei ding thu khal an puang cih a si,  cu vekih ruang urnak an tuah rero mi cu Yangon region administration council chairman, Region commander leh Mayor pawlin an zoh fiang zo tiah theih a si.

Yangon khawpi Municipal committee kaihhruaiin Yangon region sungih thlanmualah cu vek mithi ruang urnak thuk 10 cu tuah rero lai a si ih, an theh hnuah cun  ni khatah ruang 3000 tlun ur thei a si ding thu  military council cun thusuah a tuah a si.

Covid third wave thla 2 sungin covid ruangih thi 4629 an um zo thu Military council hnuaiih Ministry of Health and Sports cun a tarlang ih. Sinan, a takih thi zat cu hi mi hnakin an tam sawn thu a tuat thei ih a thei theih a si.

 

Author: admin

Leave a Reply

Your email address will not be published. Required fields are marked *