Mah Thawngpang Cu Nunnak A Liam Mi An Um Na In Lungtho Chin Lengmang

Ni tlaak lei Matupi leiin a rak ttum mi ralhrang ralkap bu pawl cu July 24, 2021 ni ahkhan Sitwanu khua in CNA/F, CDF- Mindat le CDF-Matupi fonh mi kan ralkap hna he kahdohnak a chuak.

Mah an i kahdohnak ah cun ralhrang ralkap lei in hliamhma a tuarmi an um i, CNA/F in kan ralkap minung 3, CDF (Matupi) in kan ralkap minung 1 cu kahdohnak ah an nunnak a liam tiah kan theih.

Mah thawngpang cu CNA/F kan ralkap asi mi Salai Bawi Len Sang nih CNA/F sualnak a kawlmi pawl, CNA/F cu an um sawhsawh, ral zong an tu lo tiah a au lengmang mi zeithei lo pawl caah ka langhter mi asi tiah a facebook ah a tar langh.Ram le miphun caah nunnak a pe tu kan miphun pasalttha hna miphun caah nan i peknak hi a lak asi bal lai lo.


Upaknak sang bik kan in pek hna. Nan pek ciammi nunnak thawngin kan ram nih daihnak, zalennak, hnangamnak le adikni Federal Democracy kan hmuh nak caah si hram ko seh. Taantakmi chungkhar vialte nan ngaihchiatnak kan Biak Pathian nih in hnem ko hna seh.Crd : Salai Bawi Len Sang

Author: admin

Leave a Reply

Your email address will not be published. Required fields are marked *