Hakha Minung 20 Checkmi Lak ah Minung 12 sin in COVID-19 Zawtnak an Hmuh Hakha ah SAC nih Tuluk Ser COVID-19 Runvennak Sichunhnak an Tuah

Hakha Minung 20 Checkmi Lak ah Minung 12 sin in COVID-19 Zawtnak an Hmuh Hakha ah SAC nih Tuluk Ser COVID-19 Runvennak Sichunhnak an Tua

——————————————————-

Nihin (July 30) ah Hakha Sizungpi ah minung 20 COVID-19 zawtnak an check hna i minung 12 (60%) sin in COVID-19 zawtnak an hmuh chap. June 10 in July 30 tiang ah Hakha ah COVID-19 mizaw 350 hrawng hmuh an si cang i, cu chung ah cun minung 230 nih damnak an hmu tthan cang.

Thantlang zong ah minung 3 sin in COVID-19 zawtnak hmuh a si tthan i, atu tiang ah minung 173 COVID-19 positive ngei an si. Cu chung ah cun minung 90 nih damnak an hmu. Hakha ah COVID-19 in minung 8 an nunnak a liam i, Thantlang ah minung 7 an nunnak a liam ve cang. Crd The Chin Journal Hmantlak, Hakha Zion Khrihfabu ah COVID-19 kong cawnpiaknak an tuah lio.

Hakha ah SAC nih Tuluk Ser COVID-19 Runvennak Sichunhnak an Tuah Nihin (July 30) zinglei sml. 9:00 ah Hakha SAC nih Tuluk ser COVID-19 runvennak sichunhnak an tuah, tiah thawng kan theih. Sichunhnak cu Hakha City Hall ah an tuah i, SAC ralkap sibawite, Hakha sizung ngandamnak rianttuantu hna le Chin ramkulh ngandamnak zung lei nih SAC kut tiang zung rianttuan pawl sii an chunh hna. July 29 ah SAC nih Hakha ah minung 273 sii an chunh hna i, nihin ah minung 191 an chunh chap hna.

Thantlang TBC zong ah minung 144 nihin ah COVID-19 runvennak sii SAC nih an chun hna, tiah kan theih. [Updated] Hakha SAC nih an chunhmi hna COVID-19 khamnak sii hi “Sinopharm’s Beijing Institute of Biological Products” nih a serchuahmi a si. Crd The Chin Journal

 

 

Author: admin

Leave a Reply

Your email address will not be published. Required fields are marked *