Taungphyu khua kahdohnak ah PDF 57 tlaih an tong, Thantlang peng Vanzang khua ah inn a kaang

July 28, zinglei sang i Minkin peng, Taungphyu khua i kahnak ah Minkin PDF 57 cu raalhrang zuat mi hriamtlai dalan nih an tlaih hna. Khuami nih bia i ruah ding in an auh hna i an hlen hna ca ah; hriamnam lo in bia i ceih ding in a kal mi PDF chungtel minung 57 cu an tlaih hna tiah DVB nih cun a langhter.

Thantlang peng Vanzang khua ah inn a kaang July 29 zinglei suimilaam 3:50 hrawng ah Thantlang peng Vanzang khua ah inn khat a kaang tiah khuami hna sin in kan theih. A kaang mi inn cu Pu Thawng Uk Cung inn a si i a pawng inn pakhat zong tlawmpal a kanghchih nain khuami nih an hmih khawh. Inn a kangh lio ah hin, inn ngeitu Pu Thawng Uk Cung le a nupi cu lo ah an riak i inn hngaktu an um lo tiah khuami nih an chim.

Inn ngeitu lo ah an riah kar ah a kaang mi a si. An fale zong an pi le inn ah an chiah ta hna le inn ah mi an um lo,” tiah Vanzang khuami pakhat nih The Hakha Post ah a chim. A kaang mi inn chung thilri zei hmanh an chuah manh lo i zei ruang ah dah a kangh ti mi fiang in hngalh a si rih lo nain vok rawl chuannak mei in aa thawk mi a si kho, ti zong a chim. Vanzang khua cu Thantlang peng, Vanzang tlang ah a um mi, inn 100 fai khuasaknak khua a si.

#TheHakhaPost

Author: admin

Leave a Reply

Your email address will not be published. Required fields are marked *