Mindat peng sungih kahawknak ruangah khua 10 ih um mi pawl hramlakah an tlan.

Mindat peng sungih kahawknak ruangah khua 10 ih um mi pawl hramlakah an tlan.

———————————————————————–

Chin state Mindat peng CDF-Mindat leh Military council Ralkap   kahawknak a suak sal ruang ah, Mindat peng sungih um khua 10 ih mipi pawl cu mah leh sahimnak hawlin hramlakah an tlan thluh a si tiah thu theih a si. A bik takin kahawknak kiang kapih khua mi pawl cu an tlan cih ih, an kahawknak hmun pawl cu Magway region leh kan Chin state thawn an rit awknak Thi Lin kiangih Shwe Aung Ta ih sin ralkap pawl cu an ra so ih, an kahawknak hmun tak tak cu Shwe-Tuin-too, DengTi, Sun Taung, Taung Khong leh Pi-Hu khua pawlah a si ih. Khua thenkhatah cun zo hman an um nawn lo, an zaten an tlan thluh ih. Thenkhat cu an lo neihnak hmunah silpaulin zarin an um a si.mi ziang hmuah an si ti cu theihfiang a har deuh tiin  Mindat pengih raltlante tanpitu pawl lakin mi pakhat cun a sim.

CDF-Mindat leh Military council ralkap pawl kap aw nawn lo dingin remnak an tuah mi cu July ni 16 khan chhunzawm theih a nih tak loh avangin, July ni 21 ih sin Chin state leh Magway region ih an ritawknak  Shwe-Tuin-too khua lamih kahawknak cu a suak leh sala si.

Mindat peng sungah kahawknak a suak sal ruangah, raltlan umzat cu an pung sin sin ih, an ei  in ding leh Si ei ding khal an mamawh zet thu  raltlan tanpitu pawlih mi pakhat cun a sim a si. Harsatnak khal sim cawk lo khawp in a tam ih. A thupi bik cu Fangfai a tul ih, Si a tul ih, Military council lam in le Fangfai phurh thei zat  bituk zat an nei fawn, an sian zat  bak cu a phur thei loh a ih. Fangfai hi lei ding khalin a lei mai theih lo. Si le kan lei lai in hmuh cun in lawng sak fawn ih kan keng thei lo a si, cu ruangah, Fanghfai leh Si lam ah kan harsa ih, kan mamawh bik khal a si tiin an sim.

Chin state Mindat khuaah April thla tawp lam ih sin ralkap thuneihnak lak duh lohnak lantertu mipi pawl cu  military council ralkap pawlin tharum hmangin mi an kai Meithal tiang  an hmeh puak ruangah, Chin Defense Force-Mindat pawl dinin Military council pawl thawn nasa takin an kapaw cih ih. Tualsung mi thawng tampi cu mah leh sahimnak hawlin khua an suah san ih hramlakah an tlan a si.

A hnuah Mindat khawtlang upa pawl anrawlh aw ihan  biakremawknak vekin CDF-Mindat leh Military council ralkap pawl karlakah June ni 20 tiang an kahawknak an cawlih, a si nan  July ni 16 ih an be aw rem thei nawn lo ruangah kahawknak nasa tak a thleng sal ih cu mi ruangah khuasung mi pawl mi tampi cu hramlakah an tlan sal a si.

Author: admin

Leave a Reply

Your email address will not be published. Required fields are marked *