MYANMAR TO THAILAND GAS PIPELINE CHU PDF TEN AN BOMB CHHIA

Myanmar ram Mon State Tathon Township chhunga Win-Sein village leh Sa-khan-gyi Village inkara Myanmar to Thailand Natural gas pipeline hi Local People Defence Force (PDF) ten nizan 27th July 8pm vel khan an bomb chhe nual a ni.A chhiat dan chanchin kimchang hriat chian a la ni rih lo.

He gas pipeline hi Yadana gas project atanga lakluh niin Myanmar ram leh Thailand ram ten an hmang tangkai hle.He ta tanga Myanmar natural gas hi man tlawmte in Thailand sorkarin natural gas a lakluh theih avangin Thailand hian Military council sorkar hi a be chhe ngam lo a ni.

The Yadana gas field hi offshore gas field niin Myanmar ram huam chhung Andaman Sea tuihnuai atanga hip chhuah a ni. Myanmar ram Khawmual nen a hnaih ber lai hi 60 kilometres (37 miles) vel a ni a,He gas field hi Thailand sorkar hnen atanga Military council Sorkar in an sum lakluhna ber pakhat a ni.Myanmar ram Mon State atangin Thailand thlengin gas pipeline diameter lian vak lo a laihawl vel thlunzawm a ni a.

Yadana gas project atangin Thailand ram kawlphetha siam chhuak thei turin he natural gas a lakluh atangin a ram mamawh 8 % vel electric power a siam chhuak a ni.Chutiang bawkin Yangon khawpui electric power mamawh zatve vel pe chhuak thei turin Yadana gas project atanga natural gas hi Myanmar Thermal Elecric plant hian a siam chhuak bawk a ni. Gas pipe line chhia hian ram 2 sumdawnna chu a ti bahlah ve hle ang tih hriat a ni.

 

Author: admin

Leave a Reply

Your email address will not be published. Required fields are marked *