Hakha Peng COVID-19 Runvennak Rian ca ah Mino 100 Leng Pum an i Pe

Hakha Peng COVID-19 Runvennak Rian ca ah Mino 100 Leng Pum an i Pe

——————————————————

Hakha peng COVID-19 runvennak le mizaw pawl zohkhenh thlopbulnak rian ca ah mino 100 leng nih pum an i pe, tiah Hakha Township Public Healthcare (HTPH) nih thawngthanhnak ah an langhter.

Volunteer pawl cawnpiaknak cu HBA le Zion ah July 25, 26, 27 ah an tuah i sii lei fimthiamnak a cawng liomi Medical Student mino 17 telh in pum aa pemi mino 100 leng an si hna. June 10 thawk in Hakha ah COVID-19 zawtnak a ngeimi minung 300 leng hmuh an si i minung 8 an nunnak a liam. July 26 tiang ah minung 211 nih damnak an hmu. Nihin (July 28) zong ah minung 22 an check hna i minung 8 sin in zawtnak an hmuh tthan, tiah kan theih.

CDF-Mindat le YDF nih Tangrual ding in Biahrennak an Ngei Kho Cang, CDF-Mindat le Yaw Defense Force (YDF) cu SAC ralhrang dohnak ah hmun khat ah rianttuan tti ding in July 26 ah lungtlin biakamnak an ngei, tiah kan theih. Kum 56 chung Myanmar rammi hna thisen a kan dawptu SAC ralhrang ahram cat lak in do awk ah CDF-Mindat le YDF cu hmun khat ah rianttuan tti i, pakhat le pakhat i zohkhenh ding in lungtlinnak kan ngei cang,” tiah thawngpang an chuahmi ah an langhter.

YDF hi kiangkap ah a ummi Myiang PDF le Magwe PDF he zong ttangrual ding in biatiamnak a rak ngei cangmi a si. YDF nih Gangaw lamthluan hrawnghrang ah pehzul in SAC ralhrang dohnak an tuah i, nihin July 28 zinglei sml. 7:00 hrawng zong ah Gangaw-Htilin karlak ah SAC ralhrang pawl bomb an puah hnawh hna. CDF-Mindat le YDF kutsih rianttuan ding in hnatlaknak an ngeihmi cathanh cu CDF-Mindat le YDF nih hmun khat ah nihin zaanlei ah an chuah tti hna. The Chin Journal

 

Author: admin

Leave a Reply

Your email address will not be published. Required fields are marked *