Tuchun Ah Hakha Pulrai Damlo Mizaw 211 Nih Dam Nak An Hmuh Cang

Hakha COVID-19 Mizaw 211 nih Damnak an Hmu Cang.June 10 in July 26 tiang ah Hakha khuachung i COVID-19 mizaw 311 chung ah minung 211 nih damnak an hmu cang, tiah Hakha Christian Minister Fellowship (HCMF) ah Secretary a si i, Hakha Township Public Healthcare (HTPH) zong ah Team Leader a simi Rev. Dr. Stephen Lian Hup Ling nih a langhter.

June 10 in July 26 tiang ah minung 1,513 an check hna i minung 311 sin in zawtnak hmuh a si. 211 nih damnak an hmu tthan i a dang minung 8 hi an nunnak a liam. Atulio ah COVID-19 zawtnak thlopbul liomi minung 92 Hakha ah an taang rih. A thimi minung 8 lak ah hin COVID-19 zawtnak a si kho tiin lunghrinh in a thimi an telh hna lo. The Chin Journal

 

Relchap: July 24 lio ah Hakha Peng Bualtak khuami Hakha khuasa Pu……. (kum 86 upa min langhter lo) cu mual a liam i a thlaan man mifir nih an ramh (damiah taih) tiah kan theih.“Kan Pu….hi zinglei 6:00 AM ah a thaw a dih.


Aruak vui a si hlan ah mi pakhat a ra i thlaan man a kan hal. Tangka Ks.300,000 kan pek. Anih Rual-u sin ah pe ti loin aa tlaupi diam i Rual-u sin ah tangka Ks.200,000 cu July 26 ah kan pek than. Hi bantuk thih le loh kong hna i hlenthawi le ramh hi cu um ti hlah sehlaw a tha.


Midang zong nih ralrin a herh,” tiah min langhter lo mi pakhat nih The Hakha Times ah a chim.Thihnak fak ton lio ah atu bantuk in thlaan man ramh le fir tibantuk hi Hakha khua ah a voi khatnak a si theo lai tiah zumh a si.

Credit: The Hakha Times

Author: admin

Leave a Reply

Your email address will not be published. Required fields are marked *