Tuchun Thawk In Mizo le Assam Kar Lak Ah I Kah Doh Nak Chuak Than Cang

Mizo le Assam Palik i Kahnak ah Mizo Minung Pakhat Hliamhma Pu.Nihin (July 26) zaanlei sml. 4:30 hrawng ah a cangmi Mizoram le Assam ramri kahdohnak ah Mizoram lei in pa pakhat hliamhma a pu, tiah kan theih.

Assam palik thazaang tampi nih Mizoram chung a simi Vairengte khuate ah tiang an rat lut i Mizo palik checkpoint in pawnchuah an timh hna caah buaibainak a chuah hi a si.Cun, nihin ah Assam in Mizoram lei ah a rak rami Mizo khualtlawng nuva hna motor cu Assam palik nih an denpiak dih hna caah buaibainak a fak chinchin.

Mizoram CM le Assam CM zong online in biaruahnak a ngei nain ramri sining a linhsat tuk caah zaanlei sml. 4:30 thawk in Mozo le Assam palik karlak kahdohnak a chuak.Minute 50 hrawng an i kap. A thimi le hliamhma a pumi zong an um. Assam palik pawl an kir tthan, tiah Zonet nih a thanh.

Kap hnih kahdohnak ah Vairengte khuami PC Lalmuansanga (kum 25) cu Assam palik meithal kuan nih a khen i, Kolasib District Hospital an an kalpi. A sining a zualhma ngai tiah Mozoram thawngzamhnak pawl nih an langhter.Atu buaibainak a chuahnak ramri hmunhma hi aluancia kum 100 piin Mizoram chung khuasa pawl nih lothlawhnak le khuasaknak ah rak hman cangmi a si, tiah Mizoram CM Zoramthanga nih a chim.Credit;The Chin Journal

Author: admin

Leave a Reply

Your email address will not be published. Required fields are marked *