Mindat peng ih Military Council Ralkap Camp Mindat-CDF pawlin An Lak

Good news, lungawi um tak tak a si, Mindat peng ih Military Council Ralkap Camp Mindat-CDF pawlin An Lak, Chin state Mindat peng sungih Makuieinu khuaih military council ralkap pawl leh a lam tang pawl  camp pakhat cu July ni 24 ah khan Mindat Chinland Defense Force pawlin  hup betin an lakih, meithal leh puak thei thil ziangmawzet an lak thu  Mizzima media-in a tarlang.

An thil kaih mi lakah  Monwya based Northwest Command Headquarters uniform te, MA-1, MA-3 leh, Rifle-pawl bakah pistol 1 telin meithal 20 leh a mute pawl a si.  CDF (Mindat) si lo hman she la, CDM zawmtu mipi lakih rawn tel Captain Thun Myat Aung cun, “Military council ralkap phuaih khat thawn tawmaw camp pakhat cu Mindat mipi kilhimtu pawl in an lak thei ih. Camp an lak lai khalah hliamhma tuar an um loin, an lak thei ih, Camp-ih um mi zaten an peawk thluh ih, CDM an zawm ve nghal ih. Mi pali nga hrawng CDM zawm duh lo pawl cu suah an si,” tiin a sim.

Tunah hin Mindat peng ih  misual military council ralkap pawl leh CDF-Mindat te pawl cu remnak an thah thei lo ruangah ni tin deuh thawh kahawknak a thleng theu ih, thi leh hliamhma tuar khal an um deuh ring ring tiah theih a si.

 

Author: admin

Leave a Reply

Your email address will not be published. Required fields are marked *