Yangon Mipi Itthat Laiah Ruang Phum A Si

Yangon khawpi ih Yiwei leh Thein Pin thlangmual hmunah khui tawk hmunih ruang saw a si  tih theih loh tam tak chu lei phur motor tum hmangin an phurih  mipi it that lai zan reh lai takah an phum theu tih thlanmual kiang ih um mi pakhat cun a sim.

Cu mithi ruang pawl cu  dan pangngai vekin ur ral theih a si loh ah cun Yiwei-ih ur ding ruang cu Thein Pin-ah a si lo len Thein Pin-ih ruang cu Yiwei-ah maw an rawn thiar a si thei ih. Motor tum ci truck-ih thiar a si vekin, ruang pawl  cu theihpinak lak a si leh si lo cu theih a har nasa.

Thlanmual kiangih um pa cun, “Khaw thim hnuah motor pahnih a ra thleng ih. Khaw thim mi reh lai takin an rawn thiar ih. An ur thluh lo ih, kan theih dan ah cun Thein Pin-ah an phum tih a si. Ur thluh cawk khal a si lo, Tlai lamah khal Yiwei thlanmualah ruang ur ding khal an um thup thi lai tiin a sim.

Yangon-ah July ni 10 ih sin Covid ruangih damlo oxygen duh khawp hmu lo pawl thi an tam lehzual ih. July ni 13 leh ni 14 ah tla cun  ruang cu an urnak khawl hmai zialah a tlarin ngah a tul hial a si.

July ni 20 khalah Yangon thlanmual pali-ah ni khat thil thuin ruang 1200 ih sin 1300 lai ur a si, Yangon thlanmual paliah July ni 23, ah khan ruang 1000  ur a rak si zo ih, Military council cun nitin mithi zat an  puang suak theu ko nan, a takih thi zat thawn an thlau aw nasa tih tlawmngai pawlkawm pawl cun an sim a si.

 

Author: admin

Leave a Reply

Your email address will not be published. Required fields are marked *