Sipai sorkar hnuaia din Company-in Vaccine Leinaah Eiru

Sipai sorkar hnuaia din Company-in Vaccine Leinaah Eiru, Sipai sorkar hnua din, thla 2 vel chiaha upa National Strategic Investment Corporation Co. Ltd (NSIC) chuan India atangin covid vaccine a chaw lut a, chu inleina nia sum tarlan danah thil felhlel tak a awm tih hriat a ni.

NSIC hian India covid vaccine kyat maktaduai 3 man Remdesivir, sing thum leiin, July ni 20 khan Military council hnena a thlawnin a pe a, health and sports Minister Dr. Thet Khai Win chuan Naypyidaw airport-a a dawn thu leh health and sports department chuan chung Covid-19 vaccine te chu inenkawlna damdawi in hrang hrangah a sem nghal tur thu Military council chuan a puang.

NSIC lak luh damdawi hlut zawng chu Myanmar pawisa Kyat maktaduai 3, US Dollar maktaduai 1.82 vel a ni a. Chanchin tharah chuan ‘Sorkar administration council-in a pe’ tia puan a nih angin, NISC-in chu damdawi man chu Military council hnena atanga a dawn hnuah vaccine chu Health department Minister hnenah a hlan ve leh tih a. ni.

Mahse, chuta thil felhlel leh eirukna nia lang ta chu, vaccine man Kyat maktaduai 3 (USD maktaduai 1.82) tih chu vaccine man tak tak nena khaikhinin a inthlau hle a ni. Covid vaccine Remdesivir man chu a tlawm chi dollar 13-a awm laiin, a to ber chi chu dollar 47 a ni a.

NSIC-in a tlawm zawk Dollar 13 man a lo lei a nih chuan Dollar nuai 3.9 vel chauh a ni ang a, a to chi Dollar 47 man a nih chuan Dollar maktaduai 1.41 vel a ni ang. Chu pawh chu lo ni se, US Dollar nuai 4 velin a la inthlau tho a. Vaccine to zawk hi a lei a rinawm lem lo bawk a. Tin, thla 2 chauh la run company hian engti zawnga Capital Investment hmangin India rama Dollar maktaduai chuang man damdawi chu a lei theih tih pawh zawhna lian tak a ni.

NSIC company hi military council-in thuneihna a pawng lakh nu thla 3 leh a chanve vel, May ni 12 khan director pahnih, U Myin Meo Kyaw Zin leh U Zyi Ya Oo te ho hminga din a ni a. Yangon, Insein vengah office hawn a ni. The Tahan Post

 

 

Author: admin

Leave a Reply

Your email address will not be published. Required fields are marked *