Yangon-ih mithi Ruang Ur Dingin Department Lamah Paisa Pek a tul

Yangon-ih mithi Ruang Ur Dingin Department Lamah Paisa Pek a tul

Yangon region-ih mitthi ruang pawl thlanmuanih ur a si theihnak dingin  veng lal theihpinak, township health department theihpinak bakah hmun thenkhatah cun police station theihpinak tiangin lak a tul thu theih a si.

Tlawmgngai pawl ih mi pakhat cun, “Ruang ur dingin  veng sung theihpinak lak a tul ih paisa 1000 kan pe ih. Township health department-ah theihpinak ca la dingin paisa thawng 2/3 pek a tul leh ih. Police station lamah khal paisa thawng 2/3 hrawng pekin awlsam tak leh rang takin a lak theih a si.

Hiti khawpih mipi an thih rem rum hnu khalah  pawisa pek lawngin hma a lak  thei ih. Mitthi sungte tanpia hnekin military council hnuai department-pawl cun pawisa an rak dil bet  a si tiin a sim.

Yangon-ah hin ni tin mi za tlun an vui liam ring ringih. Yiwei, Theinpin leh Gisu thlanmualah ruang ur dingin an tlar khat thluhih, parking-nak hmunah motor khat thluhin covid hrik leng karah mipi an tawi vak hutho a si.

 

Author: admin

Leave a Reply

Your email address will not be published. Required fields are marked *