Tutan Ralhrangbu Pawl An I Chuah Sual Ning Cu A Fak Taktak Si

Ralhrangbu Nih KIA Bomb An Lamh Caah Fak Ngaiin Hliam An Pu KIA hmunpi Laiza pawng Hpun Pyen Bum pawngkam ah a chawkmi rallokap pawl nih nizaan July 23 zaan suimilam 7 hrawngah KIA nih an kamh mi bomb nih a puahhnawh hna caah fak ngaiin hliamhma an pu tiah theih a si.

Atu bantukin bomb nih a puahhnawh hna caah Hpunpia Bum ah hmun a khuar mi rallokap pawl nih Hangkai Bum, Hpun Pyen Bum ah a um mi KIA battalion no. 24, 19, 25 umhmun lei ah zaan suimilam 8 hrawngin meithal ngan 120MM, 60MM in kah theih in an kah tiah KIO chimhnak nawlngei Col. Naw Bu nih a chim.

Rallokap hna hi Dot Hpun Yang, Hpun Pyen Bum le Hkaya Bum umhmun in an kah mi a si tiah KNG nih a tial.KIO hmunpi pawng Hkaya Bum, Bumre Bum, Hpun Pyen Bum umhmun ah ralhrangbu nih thazaang tampi an chap caah i kahnak fak pi in a chuak te kho mi a si tiin Col. Naw Bu nih a chim.

Ref; KNG

Author: admin

Leave a Reply

Your email address will not be published. Required fields are marked *