Maihthila Jail Tang Mi 36 Chhuah,  Ram Chhung Zirna School Ni 14 Chhung Khar Leh Dawn

Maihthila Jail Tang Mi 36 Chhuah,  Ram Chhung Zirna School Ni 14 Chhung Khar Leh Dawn

Maih-thi-la Jail tang mi 36 te chu July ni 22 khan Maihthila, Ma Hlaing, Wan Twin, Ta Si township 4 court-ah inlanin an thubuai hlihsaka chhuah an nih thu, a bul hnaia awm tualchhung pa pakhat chuan a sawi.

Heng an chhuah zalen tak te hi Maihthila-a drugs vanga an man mi 18 leh thil ruk avanga an man mi 10 tiamin mi 28, Wan Twin-a gambling vanga man mi 1 leh drugs vanga man mi 3, Ma Hlaing-ah drugs vanga man mi 1 leh thil ruk avanga man mi 3 te an ni a. Dan lova thing lak vangin mi pakhat chu lockup-ah an khung thu tualchhung pa pakhat chuan a sawi. Sipaiin thuneihna an lak February ni 1, hma khan thilruk, drugs leh KS vanga an man case 11 chu July ni 20 khan Military council ten an chhuah zalen thu hriat a ni.

Ram Chhung Zirna School Ni 14 Chhung Khar Leh Dawn, Tunlai Covid-19 thrid wave hluar tak laka inven nan Primary School, Private School, Puithiam Schoolo te chu July ni 16 atangin August ni 8 thleng khar nawn leh turin Military Covid-19 veng himtu pawl chuan nimin khan thuchhuah a siam.

Military council te demna karah June thla tir khan zirna School hawn tak kha a ni a, ni tin Covid-19 hluar tak avangin School khar an tum ta a. July ni 9 atangin ni 13 thleng, ni 14 chhung ram chhung, Primary School, Private School, Puithiam Schoolo khar a ni tawh a. A tum 2-na atan ni 14 chhung kar leh turin thuchhuah a siam leh a.

Military council, Ministry of Health and Sports ten nizan dar 8:00-a an puan dan chuan ‘ Darkar 24 chhunga Covid-19 swab test mi 16590 zingah mi 6093 positive hmuh niin mi 247 an thih thu hriat a ni’.Mahse, heng sipai record dan aiin Covid-19 hri vei leh thi hi an tam zawk a rinawm thu tualchhung tlawmngai pawl leh health department te chuan an sawi. The Tahan Post

 

 

Author: admin

Leave a Reply

Your email address will not be published. Required fields are marked *