Myanmar Military council Min Aung Hliang avangin UNHCR tanpuina chu Mindat Khaw Chhunga Chhungkaw 60 Vel Chiahin An Dawng

Myanmar Military council Min Aung Hliang avangin UNHCR tanpuina chu Mindat Khaw Chhunga Chhungkaw 60 Vel Chiahin An Dawng, Sipai awpbetna hnuaia dah Chin state chhim lam Mindate township chhunga raltlante tan United Nations High Commissioner for Refugees (UNHCR) atanga tanpuina pek tur tam zawk chu Military council khuahkhirhna avangin, Mindat khaw chhunga raltlan in 66-a mi 500 vel chiahin an dawng tih hriat a ni.

Nimin lam khan tanpuina chu an sem tawh a. Khaw chhung camp-a awmte hnenah chauh pek tur tih a nih avangin, chhungkaw 66 te hnenah pek a ni a. Raltlanna hmun school 5-a awm chhungkaw 66 te pek an ni a, mihring zat chu 500 chuang an ni. A bak chu pek theih an ni lo, mi dang chu hmun hla, khaw dang camp-a awm an ni a. An hnena kal phalna an hmu lo a ni,” tiin Mindat tualchhung upa pakhat chuan a sawi.

UNHCR chuan Covid-19 laka invenna chi hrang hrang telin ei leh in tur bakah tarpaulin, thosilen, choka lam hmanrua, solar light te chu Mindat township chhunga raltlan chhungkaw 1000-a mihring 5000 vel tan tanpui a tum a. Mahse, Military council-in Mindat khaw chhunga raltlanna camp-ah chauh pek a phalsak a, raltlan dangte awmna khaw dang leh ramhnuai camp-a kal a phalsak loh avangin, UNHCR chuan tanpuina tlem a zawng chauh a pe thei a ni.

Mindat khaw chhungah military council phalnaa raltlan camp ruahman chu 10 a awm a, mahse tuna UNHCR-in tanpuina a pek theih chu camp panga chauh niin, camp dang 5-a awm mite chu mahni in lama an haw tawh avangin, tanpuina engmah an dawn ta lo a ni.

Mindat khaw chhung raltlanna camp thawk pakhat chuan, “Mindat khaw chhungah raltlanna camp 10 a awm a, panga chu (Myo Oo) school, (Bahu) School, (Myoma) Baptist School, Pres Biak In, Taung-Pu-Luh school te a ni a, mahse chuta awmte chu mahni in lamah an haw tawh avang leh military council-in pek a phalsak loh avangin, engmah an dawng ve lo,” tiin a sawi.

Chin state Mindat-ah hian April thla tawp lam khan sipai thuneihna lak duh lohna lantir avangin, inkahna a thleng a, Mindat-CDF din a nih hnuah pawh military council sipaite nen an la inkap deuh reng a, khaw chhung mi tam tak chu mahni in leh lo tlansanin hmun dangah an raltlan mek a ni. The Tahan Post

 

 

Author: admin

Leave a Reply

Your email address will not be published. Required fields are marked *