Ralkap lakah Covid hrik ankaidarh Nasa, Military council-in thudik a thup a puang duh lo

Ralkap lakah Covid hrik ankaidarh Nasa, Military council-in thudik a thup a puang duh lo, Military council hnuaiih um health department in nitin thu suak a tuah miah ralkap camp sung boruak zianghman relsuak lo nan Myanmar Now cun zingzawiin, Mandalay, Naypyidaw, Yangon leh Mawlamyine-ih um region command headquarters leh Battalion dang dang ah covid nathrik an kaidarh nasatiah theih a si.

Ralkap sungkua tam tak leh batallion-ih officer, ralkap lu bawk men bakah Naypyidaw-ih Second General rank leh Region commandant te thlengin covid hrik an kai tih thu thup theih a si ih, Military council ruat (appoint) Home ministry-ih deputy Minister bakah, police superintendent second general Than Hlai leh a nupi Daw Khin Thi Ta Wan te khalin an kai ih, Naypyidaw-ih Covid enkawlnak ihkhun 300 lennak ralkap sizung inah enkawl rero an sih thu theih a si.

Cu mi sizung inih enkawl pakhat cun, “Police superintendent leh a nupi cu tun naite ah khan sizung ah an lut ih, a nupi chu ICU-ah a um,” tiin Myanmar Now a sim. Hi mi sizung ih police bawi nupate luh hlante ah covid kai second Army Chief Zaw Min Thet te nupa khal an rak enkawl aw zo a si.

Southeast command headquarters commander General Ko Ko Muang khal covid hrik kaiin zarh khat luan Mawlamyian ih ihkhun 500 umnak ralkap sizung ah a tuamhlawmawk thu Mon state based army division 44-ih ralkap officer nupi pakhat cun a sim.

Curuangah, Mawlamyine ralkap sizung ih luh suahnak cu khuahkhirh a si ih, July ni 18 tiang lawng leng lam mi an zoh aw ter thei ih,  , tuah cun leng lam mi zohter leh admit an siang nawn lo tiah thei a si. Chuvek tho tho in Kachin state Myitkyina based Northern Command headquarters-ih Major General Myat Tet Oo leh a personal staff te pawl khalin covid hrik an kai an theih thu Mizzima cun July ni 5 ah khan a rak tarlang zo.

Myanmar ralkap ralthuam tuahnak hmunpi Pyi khuaih ralthuam tuahnak factory-ah khal mi 300 hnakin tam an um ih mi 9 an thi zo thu DVB khalin a rak tarlang zo ih. Sinan , thuneitu lam cun a thi mi pawl cu zu an in nasat tuk ruangih thi vekin a rel a si, Ralkap hmun pi lamah khal a ni telin covid kaisawnnak a karh sin sin ih, an test aw kim thei nawn lo ih, ralkap sungkuaih thil thleng dik tak cu thup tumin ralkap camp thenkhat luh suahnak khal ziang maw zet cu an khar tiah theih a si.

 

Author: admin

Leave a Reply

Your email address will not be published. Required fields are marked *