PDF-KALA-IN TAHAN KAHAWKNAK THU SUAH, MILITARY COUNCIL HNUAIIH HNA TUAN MI TING 12 AN CAWL

Ni zan Nazi 8 hrawngah khan Tahan, Nyicia (sunflower building) lamzin leh Wesley Sizung kar lak Bogyoke lamzinpi ih military council ralkap camp cu People Defense Force-Kalay in an kap tih thuchhuah an tuah.

Kahawknak ah  hin military council ralkap lam ah mi 2 kah thah a si ih , PDF (Kalay) lamah cun zohman thi leh hliam um lovin, hlawhtling takin an tawlhkir leh thei tiah theih a si. Hi kahawknak ah hin Tahan mipi lam cu an thin a phang nasa ih, hliamhma tuar leh tlan an um thu theih a si lo.

Military Council Hnuaiah Kuthnatuan Ting 12 hna nei loin an cawl, Myanmar-ah Ralkap pawlin  thuneihnak an lak ih sin tun July, tiang ah hin  Econnomy lamah nghawng nasat tak a neih ruangah hnatuantu  mi 1200000 (Ting 12) in hna an cawl a si tiin UNO hnatuantu pawl ILO cun a tar lang.

Nikum lam thawn tehthim cun  tukum 2021 May leh June thla hrawngih hnatuantu 6% fang an um ih hnatuan ding nei lo mi 1200000(Ting 12) an um ih. 2019 kum tawp lam thla 4 sung ah khan hna nei lo Tan 3.2 umin 15% a si.

Hivekih thil a thleng nak san bik ih lang mi cu tunlai covid-19 nat karh tuk ruangah leh ralkap  duh loh ruangih lamzawh ruangah industry tamtak an khar ruangah a si ih. Hi mi lakah hin  Building sak, puan thitnak hmun leh khualtlawnnak lamih sumdawng pawlin an tuar nasa bik a si.

 

Author: admin

Leave a Reply

Your email address will not be published. Required fields are marked *