Yangon ah ni tin mitthi 1200-ah kai so, ur awknakah nazi 24 sung hnatuan a si

Yangon ah ni tin mitthi 1200-ah kai so, ur awknakah nazi 24 sung hnatuan a si, Mipi tan 6 hnakih tam umnak Yangon khawpiah ni tin mithi cu 1200 luan umin Municipal lamin nazi 24 sung staff hmun thumah thenin ur awknak hna an tuan thuYangon Municipal deputy officer Dr. Aung Min Maw-ih thusim la sawngin Myawaddy media cun a puang suak a si.

Dr. Aung Min Maw cuan, “Yangon thlanmual 7-ah ruang pawl cu ret a si theu ih, dan naranin ni tin ruang 100 ih sin 150 buaipi theu a si, a si nan, July thla tir lam ih sin ruang cu a tam sin sin ih, hmun hnihah meiih ur an si ih, July ni 8 ih sin  ruang a rawn tam sin sin ih, hmun thumah thenin ur  a si leh ih, July ni 18-ah cun ruang hmuah hmuah cu 1234 an rawn tling sovih, covid ruangih thi 169 leh natna dangih thi 800 luan an um a si,” tiin a sim.

Tlawmngai pawlkawm cun Yangon-ih covid ruangih thi tam sawn cu Oxygen bur neih loh ruangah leh co loh ruang a si bikih, a si nan military council lam cun hi mi pawl hi covid ruangih thiin an siar duh lo ih, chumi lakah cun kum lamih upa an tam bik a si tiin an sim cih a si.

Mini July ni 20, ah khan Kalaymyo huam chhungah covid-19 ruangah mi 15 an thi. Kalaymyo Kristian thlanmualah mi 2 vui liam a si. Kawlkulh covid-19 center ih sin mi 5 an dam suak. Kawlkulh covid-19 center-ah hin Ni 24 May-20 July tiang, hri kai damlo admit mi 1005, damih suak mi 972, thi mi 33 an si. July 1-20 Kalaymyo sungah thi zat mi 473 an si.

Tuzin July ni 21 ah Tahan Bazar Building sir, lamzin kam dawr kai pawlin an luah khat zik tete tih tluk a si. Covid-19 luar hlanih zinkam ih dawr kai vek tlukin an si tiah theih a si, sun nihlawhin dawr kai leh inih dawr khar mi thenkha pawl khal dawr an awng thu theih a si,  Tahan leh a kiangkap boruak a zium deuh a si ding, sukso feh leh mi vak hmuh ding an tam sin sin.

 

 

Author: admin

Leave a Reply

Your email address will not be published. Required fields are marked *