TU CHUN KALAY LEH CHIN STATE NEWS UPDATE

Tuzaan Kalay Kahdohnak ah SAC Ralhrang 2 an Thi, Pu Cung Hu nih Oxygen Alak in Hakha Khuami a Hrawmh Hna, Mindat ah Ruak Phorhnak Motor a Har caah Motorcycle in an Phorh, Mindat lei ah SAC Ralhrang nih Motor 16 in an Kal Hnawh Hna, Matupi in a rami ralhrang pawl meng 70 zawn Leshi khua ah riah an tim.

Tuzaan sml. 8:00 hrawng ah Kalaymyo ah SAC ralhrang le PDF-Kalay karlak kahdohnak minute 15 chung hrawng a chuak i, SAC ralhrang 2 an thi, tiah PDF-Kalay nih thawngpang an chuah, Kannih PDF-Kalay lei tu cu him tein kan kir kho cang hna,” tiah thawngthanhnak ah an langhter chih. Burmese.

Pu Cung Hu nih Oxygen Alak in Hakha Khuami a Hrawmh Hna, Hope Blood Donor Organization dirhtu Pu Cung Hu nih Oxygen a herhmi hna nih man loin rak i lak khawh a si, tiah theihternak a tuah. HOPE Blood Donor Organization (Hakha) nih Oxygen dawp a herhmi hna ca ah kan ngeihchun Oxygen cu man loin nan hman khawh naklai kan si khawh chung in kan i zuam lai.

Oxygen rak lak ding ah Motor na ngeih lo ahcun nan innhmai ah kan rak in pek hna lai. A tuahning kan in chimh hna lai. A haang rawn man siseh, phorh man siseh, ahohmanh phaisa nan pe hnga lo,” tiah Pu Cung Hu nih a Facebook ah a ttial.

Nunnak thaw hi atulio ah cun a man khiah khawh lo lio caan a si. Bawipa sin in “Nunnak Thaw” cu man loin kan hmuh bang in kannih zong nih man loin “Vawlei Thaw” cu kan in pek ve hna lai,” tiah Pu Cung Hu nih a ttial chap.Pehtlaihnak Phone:- 09 400 30 5298 – 09 400 90 5298

Mindat ah Ruak Phorhnak Motor a Har caah Motorcycle in an Phorh, Mindat khua ah miruak phorh nakding motor lei harnak kan ton caah motorcycle in ruak kan thir i kan vui,” tiah Mindat zatlang mibawmtu bu chungtel Ko Ling Law nih a ttial. A nunnak a liammi hi U Ha Thang Ki a si i, Gangaw District fimcawnnak zung ah Assist. Director a si. CDM ah aa telmi a si i Mindat khua an inn ah ruah lo piin a nunnak a liam. “Zawtnak dang a ngeimi a si i cu zawtnak cun a thi,” tiah an langhter.

Mindat lei ah SAC Ralhrang nih Motor 16 in an Kal Hnawh Hna[Updated] – Pakokku in motor in a rami SAC ralhrang pawl Mindat he meng 18 a hlatnak Kyauhthut vanlawng bual ah an ttum hna.

 

Matupi in a rami ralhrang pawl meng 70 zawn Leshi khua ah riah an tim. Nihin chun hnu ah SAC ralhrang motor 16 cu Pakokku in an i thawh i Mindat lei ah an kai hna.

Atu zaanlei sml. 4:00 hrawng ah Kungbo timi hlei an tan. Motor pakhat ah ralhrang 15 hrawng an i cit hna. Hi SAC ralhrang pawl hi Pakokku ah hram a bunhmi battalion no. 101 in ralhrang pawl an si hna. The Chin Journal.

 

Author: admin

Leave a Reply

Your email address will not be published. Required fields are marked *