Kan Chin Ram Mindat Zawngah Tulio Zawtnak Ruangah Harsat Nak An Tawng Tuk Cang Ee

Mizaw Phur Mawtaw A Chambau Caah Mindat Ah Nunnak Liammi Pakhat Saikel In A Ruak An Phorh I An KanghChin ramkulh,Mindat ah nihin zinglei ah pa pakhat cu a inn ah ruah lo pin a nunnak a liam i Mindat harsa bawmchan tu phu hna mawtaw an harsat caah saikel in a ruak an phorh i an vui tiah theih a si.

A nunnak a liammi hi Kangaw pengkomh fimthiamnak in Zipeng Pu Han Thang Ki a si tiah theih a si.A nunnak a liammi hi Covid zawtnak cun a si lo tiah theih a si.Mindat ah Covid mizaw minung 7 an um tiah theih a si.Credit;The Chin Post

Relchap;Yangon ah mizaw phur mawtaw an i daih lo caah,kethum ngei(Tungbing) pumpak hman mawtaw,riantuannak hmanmi mawtaw in ruak an phor.

COVID-19 nih fakngai in a den cuahmah mi Yangon ramthen ah mizaw phur mawtaw an i daih lo caah inn ah Covid 19 in nunnak a mi pawl an ruak cu kethum ngei(tungbing)pumpak hmanmi mawtaw,riantuannak hmanmi mawtaw in an ruak cu an phurh hna tiah theih a si. Credit;Ayeyarwaddy_Times(The Chin Post)

Relchap;N-Dagon Ah Rallokap Cu Covid Mizaw Bantuk In Um Ter In Mipi Bawmchantu Doctor Minung 5 Cu I Pehtlaih In Auh Riangmang In Mipi Bawmhnak Ngandamnak Zohkhenhnak Zung Ah Lut In , Oxygen Dur Le Sii Pawl An Chuh Hna.Yangon ramthen, N-Dagon peng ah nihin zinglei ah Covid in damlo mi, mipi zohkhenh tu sibawi minung 5 cu ralhrang rallokap phu hna nih mizaw bantuk umter riangmang in an auh hna i an tlaih hna, cuka an um nak hmun cu hal in an luhhnawh hna tiah N-Dagon ah Covid mizaw ngandamnak lei in zohkhenh tu hna lak ah hruaitu pakhat si mi Ko Chan Lay nih a chim.

Ralhrang rallokap tlaih ruang ah N-Dagon peng chung ah Covid zawtnak ngeimi ,mipi hna cu online in zohkhenh le cawnghhramh ning chimtu sibawi pahnih le a hmun ah a zohkhenh ,thlopbul tu volunteer sibawi minung 3,sibawi te dihlak minung 5 cu an tlaih hna tiah theih a si.“Ni zaan ah N-Dagon ah Covid zawtnak in damlo mi mizaw hna cu suimilam 9:00 hnu hrawng ah mizaw piah ding in pehtlaihnak an tuah. Bawmhding ah kan umnak hmun cu kan chimh hna. Cu bantukin bawmhnak a kan hal mi bawmhding ah a zohkhenh tu ding sibawi an phan.An zohkhenh hna lio ah zung thu/ zung ah um mi hna he pehtlaihnak a cat.

Sibawi leader minung 3 an i tel. A luat mi volunteer pakhat nih a chim nak ah cun mizaw zohnak hmun an phak ah cun mizaw si lo in sibawi te an phak bak in inn kaa an khar. An inn cu dot hnih a si a cung dot ah kal pi in inn tanglei inn kaa zong an khar hnu ah sang upa tiah ruah mi hna le rallokap hna nih inn cung in an rak hngah hna, cu hnu ahcun an dih lak in tlaih an si.An tlaih dih hnu hna ah tulio zung an thut nak hmun cu an hal hna.Tlaihkhih an ton lio ah kan mah volunteer pakhat cu inn tang ah ka tang. Inncung in an cawlcangh ka hmuh tik ah motor in ka tli zok,cun zung ah ka va chimh hna ah ralhrang rallokap phu hna cu an rak phan colh,kan mah cu hmun dang thial ding in kan timh tuah lio ah an rak phanh cang caah luat nak ding in kan hrial hna nain online in zohkhenh tu sibawi minung 2 cu an tlaih ve hna ” tiah Ko Chan Lay nih a chim.

Cuka N-Dagon Covid mizaw zohkhenh nak an tuah nak hmun cu no.46 sang ah a ummi si i ralhrang rallokap phu hna nih cuka zung ah lut in sibawite an tlaih hna, mipi nih hlut mi oxygen 40litre dur 5 , 15litre dur 18 , oxygen dur thilri tling 12 le PPE telh in sii pawl cu phungning lo a si tiah an ti hnu ah an kal pi tiah Ko Chan Lay nih cun a chim.Tlaihkhih a tong mi sibawi te cu khoika dah an kal pi hna tiah theih a si lo, tu tiang ah pehtlaihnak kan tuah kho lo, mipi hna cu Covid zawtnak zohkhenhnak ding caah ka zuam rih lai tiah a chim chap.

Credit: Khit Thit Media

Author: admin

Leave a Reply

Your email address will not be published. Required fields are marked *