Chawlhkar 3 Chhungin Myanmar Mipui Maktaduai 10-15 Vel Kiam Dawn: Asia Times

Myanmar mipui (population) maktaduai 55 atanga a chanve chu tun chawlhkar 3 chhungin Covid chi thar Alpha emaw Delta emaw kaiin a tlem berah mipui maktaduai 10 atanga 15 vel thleng an tlakhniam theih thu, mi larte leh damdawi lama mi thiamte chhut dan la chhawngin Asia Times chuan thuziak a tichhuak a.

Myanmar ram atanga public health expert-te chhut danin, Myanmar rama mipui maktaduai 55-a zaa 55% chuan chawlhkar thum chhungin Alpha emaw Delta Covid-19 chi thar an kai dawn niin Asia Times chuan a tarlang a ni.

Mipui hriselna lam kaihhnawiha mi hriat hlawh leh lar tak pakhat chuan Covid a kiam meuh chuan Myanmar mipui a tlem berah maktaduai 10 atanga maktaduai 15 chu an kiam dawn niin a chhut a.

Chu thuziakah chuan Myanmar ram chhunga healthcare system tlukchhiat dan, sipai lamin mipui hriselna an ngaihthah dan te, an thuneihna hmanga oxygen mipui tana an khuahkhirh dan leh CDM te dinhmun, ram chhunga sipai thuneihna dolettute dinhmun zawng zawng hmer khawma tarlan a ni.

Thuziaktu chu Myanmar chungchang zirchianna kum 30 zet lo nei tawh leh Myanmar ram chanchin ziaka lehkhabu chi hrang hrang lo chhuah tawh Associate professor Mary P Callahan a ni a. Ani chu USA Washington University, Henry M. Jackson school of International Studies-a International Research Department-a Associate Professor a ni a. Kum 2015 atanga 2020 thleng Yangon-ah awmin, administration, election, politics, business leh peace process hrang hrangah adviser hna a lo thawk tawh bawk a ni. The Tahan Post

 

 

Author: admin

Leave a Reply

Your email address will not be published. Required fields are marked *