Hakha Ah Tulio Zawtnak In A Zaw Mi Cu Bawipa Thawnhin A Zat Ceu AN Dam

Atulio Hakha ah COVID-19 mizaw minung 72 thlopbul lio an si.June 10 in July 17 (SAT tiang) zaanlei suimilaam 4:00 tiang Hakha ah COVID-19 zawtnak hmuh mi minung 237 an si cang i cuchung ah minung 4 an thi, minung 160 an dam than, atulio aa thlopbul mi minung 72 an taang rih, tiah kan theih.

June 10 in July 17 tiang Hakha ah COVID-19 zawtnak check mi minung 1306 an si cang i cuchung ah zawtnak ngei minung 237 hmuh an si hi a si.(Hakha siizung ah an zohkhenh lio)Suspect in inn ah a thi mi hna kan langhter lo.SLHL,Secretary , HCMF,Hakha Public Healthcare Team Leader.Credit;The Hakha Time

Relchap;Mandalay khuapi chung Covid -19 in a zawmi hna an zohkhenhnak Siizung ah Sii-bawi, Sii, Oxygen an ii zaat lo caah a thi an karh chin caah July 17 zong ah minung 24 an thi .Mandalay khuapi in bawmchantuu bu i tuanvo ngeitu pakhat nih tu lio caan ahhin sii-inn ah zohkhenhnak tha te’n tuah khawh a si lo. sii-inn ah siibawi an tlawm caah le Sii zong a um lo. Oxygen a herh zong ah a zaw mi nih vaa kawl ding dirhmun kan si.Mah ruang ah nifatin in a thi mi kan karh chin nak a si tiah a chim.

Covid in a zaw mi an karh ,a thi mi an karh ruang ah July a zarhhnih nak thawk in Oxygen le a herh mi thilri pawl cu faktuk in a man a kai dih.Dawr ahcun 40L Oxygen bukhat ah sing 8 hrawng a si i Taluk in chuah mi Flow Meker pakhat cu Thong 40 hrawng tiang a man a kai.Tuan deuh lio khan Miahwahti ah Oxygen 40L ka cah ii Sing 8 a si cang. Phorh man le Flow meter bunh man a tel rih lo. Porh man le Flow meter bunh man he fonh dih cun ting 10 a si. Ting 10 chung in bunh mi flow meter hi 35000 ,40000 kan pek a hlan ahcun a tha bik pawl hmanh 25000 hrawng lawng a rak si tiah Mandalay bawmchantu bu ah a tel mi pakhat nih a chim.

Covid a voithumnak a thawkka ah Oxygen a tha phun Flow meter tel 40L pakhat ah 150000 lawng a si ii June zarhthum nak ah 40L pakhat cu sing 4 hrawng a si. July zarhhnihnak ahcun 40L cu sing 8 tiang a phan cang.Atu bantukin a man a kai tuk ko nain dawr ah hin caw tu an tam i thil hi a dih peng ko.

Oxygen he a pehtlai mi thil pawl a man a kai tuk caah caantha an i lak i mi a hleng mi hna an um caah a herhtuk mi hna an caah cun a naihbik nak bawmchantu bu ah bawmh hal i hlan le cawk ding a si tiah bawmchantu bu ah a tel mi pakhat nih a chim.

Covid -19 a si tiah an ti mi poh hi Oxygen a herh tiah a ruah sual mi nih a herh lo ah an i cawk cia ruang ah a herhtuk mi hna caah har nak an tong i thi ding a si lo mi tiang a thi mi an tam.Bawmchantu bu nih a chimnak ah sii-inn ah aum i a thi mi zong an um i inn ah a zohkhenh mi zong am um i Siibawi hna minthut nak ca te he vui an si ko tiah a chim.Credit;DVB(TCP)

Author: admin

Leave a Reply

Your email address will not be published. Required fields are marked *