Tuchun Kawlram Chung Hmun Cheu Khat Thawngpang Cu A Poi Tuk Hringhran Ko e

Atu lio kawlram dirhmun in ralhrangbu a kap duh bak lo mi Tlangcung hriamtlai phu lak ah Arakan ralkap (AA) mi an i bochan ngaingai mi Tongmangham Bung Myat (ဘုန္းျမတ္) cu ruah lo pi in Covid zawtnak in a nunnak a liam tiah theih a si.

July 17,2021 ah Falam peng Congheng khuami Pu Mang Tho (kum 60) cu zinglei ah a nunnak a liam, Falam Tlanglo veng in Pu Hniar Kung(kum 84) chunhnu ah Falam sii-innpi ah an nunnak a liam i Volunteer pawl le Church chung tuanvo ngeitu nih Congheng thlan le Laizo lei thlan ah an vui hna.

Kalaymyo Ah Nihin Minung 12 An Nunnak Liam. Sagaing ramthen Kalaymyo ah Covid-19 lunghrinh mi mizaw 12 , July 17 ah an nunnak a liam Khrihfa thlanhmun ah minung pahnih vui an si.Covid-19 third wave ah Kalaymyo Covid zawtnak chawnh in nunnak liam mi an karh ngai caah dawr cheukhat hna zong kharchung an si, inn dawr tuah mi cheukhat zong an khar tiah theih a si.Stay at Home tiah thanhmi Kalaymyo ah Covid-19 in nunnak liam mi hna hi minung 600 leng an si tiah theih a si.

Hakha ah Covid Mizaw 20 Hmuh A Si.Nihin July 17, Hakha siizungpi Covid checknak result cuCheckmi minung 35 an si i cu hna lak ah Positive mi covid hrik a nei mi hna minung 20 an si. Dawrhlun ( ပရရ ရံုးဝင္​း ) in minung 10, Khuathar ( မီးသတ္​ကုန္​း ) in minung 4, Khuathar sang chung in minung 6 hna an si tiah kan theih.

Kawlram khuapi Yangon ah Oxygen dur (30L) pakhat ah 420,000 MMK tiang a phan. A chung ah Oxygen rawn lomi a si. Hmun cheukhat ah cun durkhat a lawngmi ah ting 5 tiang zong in cawk a hau tiah theih a si fawn.

Author: admin

Leave a Reply

Your email address will not be published. Required fields are marked *