Myanmar Covid Tanpinak Dollar Tan 350 Military Council-in An Eiruk

Myanmar Covid Tanpinak Dollar Tan 350 Military Council-in An Eiruk

———————————————————–

Myanmar-ah covid-19 a karh tuk ruangah  ram dang ih sin luh dingin UN palai pawl theihter a si zo.

February ni 1, Ralkapin cozah nak a lak hlanah khan covid-19 hrang tiin ram dang dang ih sin an pek $ Tann 350 cu Military council pawlin um zia nei takih hmang dingin, UN, Myanmar Human Right palai Tom Andrews cun tihni sunah khan rel suakin a nawr cih a si.

Hi mi pawisa hmannak ding hi mipi pawl convid lakih kilhimnak, control leh enkawlnak an pek danah ziang hman hmuh ding a um lo ih, Ralkap bawi pawl ih eiruk mi ah a tel zo si lo maw tih cu mi hrekkhat ruah dan a si.

UN, Myanmar Human Right ngaihtuahtu pawl cun ‘hi mi tanpuinak sum fai hi covid hrang lawngih pek mi a si ih, cu mi hrangih hman suah a si theinak dingin a sim cih. Ralkap cozah  hnuaiah covid dinhmun hi a luar sin sin ih, mipi pawl harsatnak an tawng rero a si, tanpi dingin ram dang mi pawl an lut zang zang a tul thu a sim cih,

Tom Andrews rori khalin, Covid-19 hrik thar ruangah hin Myanmar mipi pawl nunnak an a liam ih, Military council pawl hnatuan dan cu kan rin lo zet ih, ram dangin an bawm lo cun an thi tam tuk ding tiin a sim cih.

UN, Human Right ngaihtuahtu pawl cun July ni 7 ah khan Geneva, Human Rights Meeting-ah ram dang thawn hnatuan tlang a pawimawh thu an sim ih, Military council pawl cun an ngaihsak kan ring lo. Mipi pawlin covid-19 vaccine injection tiangin ralkap pawl an rin loh thu khal an sim cih a si.

Hitiih ram sung mipi pawl  an thih tamhlan ah  ram dang dang pawl thawn tuantlang a tul nasa ih, Thawngin ih um hnakin thawngtlak member an tam sawn ih, an thlaphang nasa ih, ralkap pawlin mipi pawl an ngaihsak lo ruangah mithi an tam sin sin.

Author: admin

Leave a Reply

Your email address will not be published. Required fields are marked *