CNA Nih Chinram Cu Tu Tein A Kut Tangah Chiah Cang Ahau A Ruang

Zeiruangah CNA/F nih Chinram hi tuante ah alak hau ko kan ti tawnnak cu,Tuante ah CNF nih Chinram a control le lak hauhnak aruang cu, Innchung cia ah buai lo kan duh cio ca zongah si.Shanram le Karen ram hna tutiang an cawlcangh mi khi nganh,kaltak meimei awk ttha lo mi a si.Shanram ah mah le mah i tukdoh,Karen ramah mah cu si hoi.Mah hna khi an rak hrial khawh ko,nain a poi lo,kawl ralhrang dotu si poh ahcun a poi lo,ttha ko timi nih khi an dirhmun,duh nung lo taktakmi a chuahpi khi si.An states lawng lo,kawlram pi dirhmun tiang a hnorsuan dih caah apoituknak cu si.CNF zong kawlrampi caah tawhfang pakhat sive.


Kawl ralhrang doh poh in ram le miphun caah do athla mi le dothleng tu an si ko tiah kan ti khawh lonak cu; Shanram le Karen ram in kan fian aherhtuk..Cucaah Chinram ah zei btk ralhrang dotu phu an chuah zongah phukhat toi( bianabia ah CNF) tbk ah an i fun kha biapi tuk.Mahti kan silo cun Shanram le Karen ram kan hluan te kho.
Tuan deuhah ka ttial cang bang,CNF nih Thantlang peng,a bikin Khualhringtlang le Vanzangtlang a control,lak hmasa hau ka ti cang khah.Mah a control cun,duh sah in tlangkhat hnu tlangkhat,peng khat hnu peng khat tiin a nor lai i a lak,control te dingmi si,voikhat lakah Chinram pi lak le control a har deuh lai caah.Mahti a control lak hnuah cun,Chinmi nih kan rak hman ciami Chin acts upadi chungin a tthami kan hman lai,lak lai,chaphau mi kan chapchaun lai.

2006 lio ah Chin upa rual hna nih Canada ramah i tongin Chinram zaukpung hruainak ding caah upadi draft an rak suai diam cang ti si rih.Zu cu ting-ai pakhat ah ka um zuamlo tiah a zam le ting-ai pakhat tthiam ah a va lut ko timi btk sikha kan duh lo caah si.Tulio kanram dothlennak hi va hlawhtling ai kun,Chin nupa lila nih zu bang cun thing-ai lila luhpi duhtu le a ruat cia kan um lai ticu vawlei kan bengh kan tthelh lo bang a fiangmi si ko.Mah caah tucia tein mah btk a chuah lonak dingah ttuanvo la in atawlrel kho,lam azul kho tu cu CNF hi an si caah cu an rian cu an tlolh lo hrim ahau.

“Ngakchia tlak hlan hleidonh biapi ti si bang: Cini le Cite cu an pungsang,muihmel aa lo tukmi si,nain an sinak,thlum-al ning le a hmannak hmuntu cu aa dang tukmi si bang,Bahu lei tlaihchan nih cini le cite muicuang in an rak kan hlen bal cang,cucaah tuhnu ah cun mah btk cini le cite muikeng meimei in i hlen ter lole cu hlennak zong cu i zumh loin hrial cio kha mipi kan rian le ralrin ve hautuk mi si. Mah vailte a hlawhtlinnak dingah tangka aa tel,cucu abikin ramleng ram 3nk phanmi Chinmi kan liangcungah aa khinh,hngat ve tikha kan theih hau. Credit;William HC

Author: admin

Leave a Reply

Your email address will not be published. Required fields are marked *