A Poi Tuk Hringhran E Kalaymyo Cu Ral He Zawtnak He A Den Ko Hna Hi Teh

Kalaymyo Ah Nihin Minung 12 An Nunnak LiamSagaing ramthen Kalaymyo ah Covid-19lunghrinh mi mizaw 12 , July 17 ah an nunnak a liam Khrihfa thlanhmun ah minung pahnih vui an si.

Covid-19 third wave ah Kalaymyo Covid zawtnak chawnh in nunnak liam mi an karh ngai caah dawr cheukhat hna zong kharchung an si, inn dawr tuah mi cheukhat zong an khar tiah theih a si.Stay at Home tiah thanhmi Kalaymyo ah Covid-19 in nunnak liam mi hna hi minung 600 leng an si tiah theih a si.Credit;The Chin Post

Relchap;Kawlram UN Palai Nih Kawlram Bawmh Ding In A Hal Atu Kawlram dirhmun zoh ah vawlei cung ramkip nih an si khawh chungin bawmhnak pe dingin Kawlrawm nuhrin covo lei UN nih a hleikhun in an thlah mi Tom Andrews nih a nawl.

Tom Andrews nih tulio Kawlram nih harsatnak a ton cuahmah lio mi covid rai cu thlitu pakhat bantuk he a khat ko tiah a chim.Kawlram mipi ngandamnak zohkhenhnak cu a tlu dih cang. Mipi nih ralhrangbu cawlcanghnak zong pakhat te hmanh an cohlang kho rih lo.

Mah hi ralhrangbu an zumh lo tuk caah a si.Cun covid zawtnak dirhmun zong a zual ter.
Kawlram mipi hna nih ramdang bawmhnak an hmuh lo a si ahcun mah nak tam mipi nunnak a liam rih lai. Ralhrangbu nih uknak an lak hlan IMF bawmhnak US dollar 350 million hi ralhrangbu nih zeitindah a tuah Tom Andrews nih biahalnak a tuah.

Atu ramkhel buainak lawng si loin covid ruangah oxygen i daih lo nak tampi a um. Mah lawng si loin ralhrangbu nih a ruang um set lo in an tlaih mi minung a tamtuk caah thonginn an khat. Mah hi covid caah ttihnung ngai a si.
Atu ning bantuk a si ahcun ramdang bawmhnak tello in Kawlram mipi nih atu nak fak deuhin harsatnak an tong lai tiah UN palai nih a chim.

Credit; bbc burmese(TCP)

Author: admin

Leave a Reply

Your email address will not be published. Required fields are marked *