Update Tuchun Kalaymyo Lei Rallokap le Mipi Lei Veng Tu Kah Doh Nak A Chuak

Kalaymyo Thlanglei Ah Chunnitlak Kahdohnak A Fak Ngai, Kaphnih Kar A Thi Mi An Um Kalaymyo thlanglei ah nihin chunnitlak Kalay PDF le ralhrang rallokap kaphnih kar kahdohnak a fak ngai caah a thi mi zong an um tiah theih a si.

Nihin zinglei suimilam 10 hrawng thok in ralhrang rallokap phu hna le Kalaymyone thlanglei in Tintha(တင္သား), Kyautphu(ေက်ာက္ဖူး),Doenuai(ဒိုးႏြယ္) le nichuah Sii khua lei hramhram in an thil tuah mi pehzulh an i timh caah cuka khua hna le pawngkam khua hna ah PDF (Kalay)i kahnak a chuak.PDF chungtel hna nih ralhrang rallokap phu hna cu bomh hmanh mi puahhnawh in kahdohnak in an lehrulh hna zaanlei suimilam 7:30 hrawng tiang ah kahdohnak a fak ngai.

Kahdohnak chungah ralhrang rallokap phu lei in a tlawmbik minung 17 an thi, PDF(Kalay) in minung 2 an nunnak a liam. Ralhrang rallokap kahnak in khuachung mi, sualnak ngei lo minung 2 zong an nunnak a liam tiah cathanh an chuahmi ah an langhter.

Atu tiang ah ralhrang rallokap phu hna nih Kyautphu(ေက်ာက္ဖူး) le nichuah Sii khua ah umhmun an khuar rih caah khuapawng hrawng ummi nih humhimnak ding caah umkal ah ralrin ding zong in an langhter.Credit;(TCP)

Author: admin

Leave a Reply

Your email address will not be published. Required fields are marked *