Tlangcung Hriam Tlai Phu Ah Ruahmi KNU Cu Min Aung Hlaing Nih A Hrawh Cang Ko La Hi Teh

Tlangcung hriamtlai phu vialte hna lak ah a t’hawng bik hmanh maw tiah ruah mi KUN ralkapbu cu ralhrang cozah nih hrawh ding le t’hek darh dingah a tawl rel cuahmah cang tiah theih a si.cu pin ah Min Aung Hlaing cozah nih KNU dik lo nak le leirawi nak ca cu a mah dir kamhtu ram dang vuanci hna le hmun dangdang ah a theih luh cang.ralhrangbu cozah nih a tu bantuk in KNU hriamtlai phu rawh dingin rian a tuan nak a ruang bi cu kan hnu lei i Karen ram chungah ralhrang minung 25 an rak thah mi hna ruangah a si bik tiah theih a si.

Ralhrangbu cozah nih a tu bantuk in KNU ralkap hna t’hek darh ding le rawh dingin rian a t’uan mi kongah KNU lei nih cun fianternak an tuah,”Min Aung Hlaing cozah nih Karen miphun cu luangrual tein um le rian t’uan khawh lai kha a phan cem ruangah a tu bantuk hin rawh ding le Karen mipgun t’hen cheu dingah timh lamh nak a neih mi hi a si”tiah an chim.

KNU ralbawizik Buhmuchuk Sawne Da Miah nih a chim nak ah cun Ralhrangbu Min Aung Hlaing cozah nih a tubantuk in KNU rawh ding in a tawlrel mi hi Karen miphun kan lung ai rual lai a phan ruangah le vawlei pi theih lo in a thli tein KNU hruaitu vialte hna kha thah dih ai zalh caah a si tiah a chim.Ralhrangbu cozah nih ramdang vuanci le a mah dir kamhtu sin ah KNU rawh nak ding a chim mi cu,”KNU ralbawizik Sawne Damiah hruai nak in KNU ralkap hna nih cun Karen ram chung um mi zei sualnak nei lo minung 25 hna cu tuk sum in an thah hna ruangah an mah lu bik a si mi Sawne Damiah zong a rian in an chuah,asinain Sawne Damiah nih a cohlang duh hna loh”tiah a chim.

Cun,KNU nih rampi kahdaihnak NCA minsen an thut mi cu dohkalh in mipi an thah hna pin ah PDF hna zong upadi kalh in raldoh an cawnter tiah cathanh Min Aung Hlaing cozah nih a tuah.ralhrangbu tawlrel nak in KNU le KNDO hna karlak ah i huat nak a chuak sual lai tiah phan a um ngaingai.Ralhrangbu Min Aung Hliang cozah nih voi 2nak tiang KNU cu an rak rawh bal cang!cu hnu ah a tu bantuk in t’hawng ngai in an hun i hrim t’han hi a si.zei bantuk in dah KNU, KNDO le Min Aung Hlaing cozah karlak ah biachahnak le a dongh nak tuah a si lai ti cu theih khawh a si rih loh.

Note: Hi Capar hi Chin Net thawngpang lak mi a si.ai dawh nak in vun hakha caholh in vun leh t’han mi a si.

Author: admin

Leave a Reply

Your email address will not be published. Required fields are marked *