(NUG) Cozah Hi Bochan Awk Taktak A Simaw A Ho Cem Dah Kan I Bochan Ne Lai

National Unity Government (NUG) Cozah hi theihtlei le thilthar silo: A ho cem cu dah kan i bochan awk si?
National Unity Government of the Republic of the Union of Myanmar(NUG) hi theihtlei silo, 1990 December lio ah rak thokmi National Coalition Government of the Union of Burma.(NCGUB) cu, tulio NUG muikeng bang, aliamcia kum 30 ah rak tuah cang si i mah ahcun Sein Win timi pa cu a pakhatnak prime minister si in 1990 in 2012 tiang a ttuan.USA ramah rambunh in an rak cawlcang peng nain mah lio kawl ralkap bawipawl rak lee ziar hna kaw kum 30 chungah zeipi an hluhchuah khawh lo caah 2010 Thei Sein Cozah hruaimi nih 14 september 2012 ah disestablished (thihther) cang. Mah NCGUB chan lio ahcun Daw Suh Kyi cu Innthong ah hren asi caah luban ah an chia lo,heh tiah ramleng tlimi chungin vuanci ithim in a rak cawlcangmi an sive.

Tutan NUG zong ramlengin dirh I vuanci thimin heh tiah an cawlcang cuahmah lio i kumcheu fai an kalpi ve cang,Mahbelte NCGUB he aa dannak te a um ve.NUG nihcun Suh Kyi le Win Myint kha Innthongah hren an si ko bu ah president rian le state councellor rian an khinh chih hna,mahte cu NCGUB le NUG haotu riankhinmi aa dannak thawnglau pakhat asi ve. NUG prime minister ah Man Win Khaing Than nih a ttuan lio si.Nain NCGUB cu hriamtlaiphu an rak dirh ve lo,tu NUG tucu hriamtlaiphu dirh in aminah PDF tiah an bunh, PDF hi kawl miphun hriamtlaiphu tiah ruah cio le ttial cio mi si ko.Mah NGU hriamtlai PDF cu tlangcung hriamtlaiphu sinkip ah tli in raltuk an cawng hna.CNA sin zongah tamlak te an cawng,a cawng lio an um rih.

Chinmi nih a ho phu cem dah kan dirpi lai? Chinmi sinak in ruah tikah ahodah kan dirpi lai tiah ruah lenin i or-ah awk a um lo,kan Chin miphun ca hriamtlaimi kha fekte in dirpi hau ko.A ruang cu,NUG hi NCGUB btk asi te kho,NUG va hlawhtling hmanhsehlaw; kawlzia cu kan I ralrin cia hau,PDF kha tlangcung hriamtlai phu lila dotu an site kho thikha philhlo hau.Kawl hi bawiduh ah cun heh tiah anmah le mah an I nawng,that ko nain miphundang tlangcungmi salzuat peng dingah cun fawite in an lung aa rual kho. Kum 2018 lio ah MAH le ralkap bawizik hna nih miphun cihmih thahnawnnak an tuah tiin UN nih a thanh le chuahmi cu NLD nih kan cohlang lo,duhlo tiah an ti diam ko. ICJ va laar btk tete atampi rih,a tthatnak lei rumro in na kuaih ahcun na benh khawhmi tlawmpal cu um na pei.

Cucaah NUG hi Chinmi simi poh le Chin rim anam mi poh nih bochan loding,anmah nih Chinmi le Chin hriamtlaiphu hi kan bochan deuh hna she tiah cawlcangh cio kha kan rian si.Ralrin kan hautuk,mah toihnak dingah voksa-haang kan lum lo biapi tuk.Cucaah aho phucem dah kan bawmhchanh hna lai timi ahcun,Chinram caah dothlengtu CNA/F kha asi ko.A dangtu cu pengtlang ca dothleng ah ka ruah rih caah an pengtlang nih an bawmh ve ko hna lai,.

Tulio Chinram caah ka ttih bikmi cu,CRCH dakaw an si cuh,kan ram pi hi hei ttha te sehlaw CRCH nih Chinram CNA/F le CDF karah zeidah a tuahte kho timi ka ruah le cuanh tikah khin ka ttihziarnak cu si,mahcu cuanhmi sile aherh te si cun ka rak thai te lai.

Note: NUG hi zumh hrimhrim lo ding ka ti lo,i bochan lo ding,anmah tu nih kan bochan hna seh tikha si.Credir: William HC

Author: admin

Leave a Reply

Your email address will not be published. Required fields are marked *