Mizoram Farkawn Khua Upa Pawl I Ralzam Pawl Caah An Thil Tuah Cu Uar An Um Taktak

Farkawn Ah Ralzaam Umnak Hmun An Sak Nizan July 14 le nihin July 15 ah Farkawn ah ralzaam umnak hmun Farkawn Relief camp cu Farkawn Village Level Task Force- VLTF thithruainak in sak a si i, Relief camp hi Vaphai zong sak lio a si.

Theih cia bantukin Kawlram ah covid zawtnak a karh caah Mizoram lei luh khawh a si ti lo caah atu an sak lio mi hi Tio tiva kam Mizoram chung a um lo mi hna umnak caah ti mi a si.Farkawn ah sak lio mi relief camp hi minung 70 in 80 tiang um khawhnak dingah timh a si.

Vaphai ah sak lio mi relief camp hi minung 100 hrawng um khawhnak caah ti mi a si i, Community Covid Care Centre zong sak ding timhtuahnak an ngei.Atu dirhmun ah tuipuiral area chungah ralzaam a um mi 1457 chungin Farkawn ah minung 668, Vaphai ah minung 208 le Khawbung ah 180, Thekte ah 136, Zawlsei ah 100 le tuipuiral khua dang dang ah minung 10 in 40 hrawng cio an um.

Atu dirhmun ah Kawlram lei Covid zawtnak thar an hmuh lengmang caah Farkawn ahcun mi luh an sianh ti hna lo. Tupuiral khua dang hna zong nih ralzaam hna hi i ralring taktak in cohlan an si. Tuipuiral khua vialte chungah covid-19 zawtnak a ngei mi hna zohkhenhnak covid-19 care centre 4 a um.

Credit;LPS(TCP)

Author: admin

Leave a Reply

Your email address will not be published. Required fields are marked *