Daw Aung San Suh Kyi Le Myint Aung Hliang An I Tawng Ti Mi Cu Thil Si Kho Ah Nan Ruat Maw

Ralkap bawi le Suu Kyi an i tong timi ca hi ka zum kho lo, ava si sual hmanh ah Suu Kyi sawm mi si lai lo, hramhram in an luh hnawh i an ton mi asi lai.Suu Kyi cung ah mipi lei zumhnak zorseh ti aduh mi ralkap lei thluak asi lai kazumh.

Taza cuai pah, lih sen an hei puh bu ah Suu Kyi nih hi bantuk ton cu afih tuk lai kazumh.Ralkap zia cu, ramdang lei thih pheihnak le dantatnak ding lam a um poh ahcun, thongtla mi chuah, mipi hei ton thulh, daihnak kan ser hei ti thulh a hmang mi an si.Cucaah Su Kyi le ralkap hi tinh ciam mam in an i tong lai lo, hramhram in maw tlaih hrem phun in maw an ton mi asi deuh lai.Tinh ciam mam tein an i ton bak ahcun kan pi Suu cu ka doh bak ko lai.

Credit;Lai Ram Laipa

Relchap;Covid-19 Zawtnak Hmuhmi Nikhat Hnu Nikhat An Karhchin ,Ngandamnak Lei Vuanci Nih An Chuahmi Ah June Thlachung Zawtnak Hmuhmi Cu 12% A Si Nain July Thlachung Ah 28.5% Tiang A Phan Yangon le Mandalay ah ni fatin nunnak a liam mi hi za reng lo tiang a phan, (Covid-19) chawnhnak a karhtuk, tamdeuh checkhlatnak a um kho lo na in zawtnak hmuhmi an tam chin lengmang.

Ram huap ning in zeitluk in dah Covid zawtnak a karh hi theih khawh a si lo nain , ralhrang kuttang ngandamnak lei vuanci zung nih ca an chuah ning ah zawtnak hmuh mi hi nifatin check mi hna cheu thum cheu khat an si .Nizan July 14 , nikhat chung lawng ah minung 21352 check an si, zawtnak hmuh mi hi 7083 an si. Nunnak a liam mi hi 145 an si tiah ngandamnak lei vuanci zung nih cathanh an chuah.Ngandamnak lei vuanci zung cathanh chuah mi ning ah, zawtnak hmuhmi hi June thla chung ah 12% lawng a si na in, July thluachung( July 1-14) tiang ah 28.5% tiang an karh.

Sizung le sikhan ah an khat dih hna, Covid zawtnak checkhlatnak chap a si hlei lo tiah July 12 ah tuah mi thawngfian ternak ah ralhrang lei biachimnak nawlngeitu pakhat nih a chim.Ngandamnak lei vuanci nih an thanh ning ah Naypyidaw le Yangon ah checkhlat nak tlawmdeuh lawng a um i, ramkulh le ramthen sizung le ngandamnak lei hruainak inRapid Test kit in tamdeuh cu an check hna.

Kawlram chungah zawtnak chawnhfawi deuh le a rangdeuh mi Covid-19 zawtnak si mi Alpha le Delta phun hmuh a si tiah ngandamnak lei vuanci zung nih June-15 ah an thanh. Cu hnu ah zawtnak an hmuh mi karhchin dirhmun a phan.Covid zawtnak a karhtuk caah ralhrang kuttang ngandamnak lei vuanci zung nih langhter ning ah nifatin nunnak a liam mi hi nikhat ah minung 100 hrawng an si tiah an langhter na in, a tak ah nunnak a liam mi hi an langhter mi nak in an tam deuh.

Credit;Myanmar Now(TCP)

Author: admin

Leave a Reply

Your email address will not be published. Required fields are marked *