Tuchun Hakha Pulrai Kongah An Biachahmi Le Rev. Ceu Khar A Nunnak A Liam Ning

Nihin zaanlei sml. 5:00 hrawng ah Hakha ah Rev. Ceu Khar a nunak a liam. Rev. Ceu Khar cu HBA Evangelist a rak ttuan hnu ah Cawbuk sang i Galilee Baptist Church ah Senior Pastor a rak ttuanmi a si.Khrihfabu rian in Pension a lak hnu ah zu nih a nun a hrawhmi pawl tunmernak (Rehabilitation Center) Ministry a tuah i a nunnak a liam caan tiang midang nunnak le thlarau khamh kho ding in rian a ttuanmi a si.Nihin zaanlei ah an innte ah a nunnak a liam i, zei bantuk zawtnak ruang ah timi belte fiang in theih a si lo.

COVID-19 Caan Chung Hakha Rual-U Thlaanhmun Man an Thumh.Nihin zinglei ah Hakha Rual-U le Hakha Township Public Healthcare & IDPs Management Committee (HTPH & IDPsMC) an i tong i a tanglei bantuk in biachahnak an ngei.

Biachahnak:
(1) Covid-19 zawtnak pulrai a kan den chung vialte Hakha Rual U thlan ah ruakfimmi chungkhar cu thlan man ah Ks. 200,000/- lawng lak a si cang lai. Khrihfabu member chungah a har tukmi an um sual ahcun hi Committee sinah thawng nan kan thanh lai. (092450314, 09421158480)
(2) Ruak phorhnak caah Rual U nih an kan hlanhmi hi Committee motor nan hman ahcun dawtnak he alak tein bawmh nan si lai. (09400311644)
(3) Rual U thlan ah PPE uniform phoihnak tha tein sakpiak a si cang caah Uniform phoihnak hmun le khanghnak hmun ah ralring tein PPE uniform i hruk/phoih le khangh ta khawh kan i zuam hna lai.

 

 

Theihternak:
(1) Mithi um tik ah mah le Khrihfabu le sang le veng cio nih tuanvo lak in vui a si caah PPE Uniform tling tein tuanvo nan lak cio lai. Nan i ralrin manh lo ahcun hi Committee sinah bawmhhal khawh a si. (Ph. 09423661278, 09400303091)

(2) Ruakkuang kongah siizungpi ah lakhruak herhmi nan um ahcun Ks. 80,000/- in hman khawh ding in timhtuah piak cia mi a um. Bawmh hal khawh a si. (Ph. 09442001362)
(3) Update kan tuah lengmang lai caah Phone number tete aa thleng kho i kan page ah kan leng lengmang ko u tiah kan in sawm hna.

Credit: The Chin Journal

Author: admin

Leave a Reply

Your email address will not be published. Required fields are marked *