Tamu Tlangval No Minung Pa Li Ralhrang Nih An Tuahto Ning Hna Cu Lung A Fak Kho Tuk

Sagaing ramthen Tamu Tamu pengkomh (Dictrict), Myothit Myonekhuai, Zalenphai @Naungket khua ah Chin mino 4 hna cu ralhrang nih an tlaih hna i an thah hna tiah an chungkhar sin in theih a si.July 10, zan 11:00 pm ah Zalenphai khua ah ralhrang nih Chin mino 6 hna cu an tlaih hna. Pahnih cu an thah hna, pakhat cu a luat i pathum cu an i kalpi hna tiah khuami nih an chim.

“Pahnih cu an kah hna i a hmun ah an thi colh. Pathum cu an kalpi hna. Sat Min Lun pakhat bel cu a paw ah meithal kahnak hmarung he a luat kho. An kalpimi pathum chungin pahnih an thi than. Cucaah a thimi hi 4 an si cang. A thimi hna an min cu Mang Gou, Ngam Chin Pau, Dou Kho Lal le Pau Gin Mang hna an si. A hnuah a thimi pahnih hi sakhan ah an hrem hna ning a fak tuk caah a si tiah theih a si. An pali ningin an ruak an kan pe lo” tiah an chungkhar pakhat nih a chim. (Khit Thit Media)

Relchap ding: Africa Ram Ah Vom-raang An Tlaihning. Vom cu ramsa lakah a thawng cem pawl a si ve! Minung caah tlaih a fawi lo taktak mi a si! Asinain Africa ram cheukhat ah cun fawi tukin an tlaih/thah khawh ko hna! Zeitindah an tlaihning a si hnga! Hitihin a si!Kaphnih in a haarmi nam kha thisen (caw thi/vok thi tbk) an thuh/neh i Vom-raang a um lai ti an ruahnak hmun ah an chiah! Vom-raang cu vur (snow) lakah a ummi an si tikah a raangmi cungah a ummi thisen cu hmuh a fawite! Cu pinah thisen rim kha a hlat piin an theih khawh!

Vom-raang nih cun thisen hi a duh tuk ti a si! Thisen a liahnak ah nam nih a lei a ah! A lei a ahmi cu thisen thawtnak ruangah a thei kho lo! Nam ah an thuhmi thisen a dih/thian hnu zongah amah thisen kha nam ah aa neh cang! A liah deuh deuh, nam nih a ah deuhdeuh! Cuticun a thi chuakmi a tam tuk tikah a tha a dih i a tlu/bawk! Cutikah minung an ra i fawitein an tlaih/thah ko!Zeidah a kan cawnpiak? Kan duhmi thil hi kanmah rawhnak le thihnak ah an cang tawn! Cucaah kan duhmi thil kongah ralring tein um a herh! Salai CP Lian

Credit: TCP

Author: admin

Leave a Reply

Your email address will not be published. Required fields are marked *