Sualnak Ngeilo Mino Pali Hna Cu Ruak Um lo In Thlah Nak An Tuah Hna

Ralhrang Nih Thahmi Mino Pali An Ruak Um Lo Nain Vuinak An Tuah.Tamu pengkomh,Myothit pawng Nawnkat khua(Zalenphai Village) ah mino 6 cu July 10 zan suimilam 10 ah ah ralhrang rallokap nih an kah hna i,hmunri ah mino 2 an nunnak liam 3 cu an tlaih hna i pahnih an nunnak a liam than.

Pakhat cu July 12 ah a paw meithal kuan hliam he an thlah than.A nunnak a liammi mimung pa 4 hna cu,Ngan Cin Pau kum 23,Pao Gin Mang kum 18,Mang Gao Hao kum 17,Dou Kho Lel kum 16 hna an si.An ruak hi chungkhar sinah an pe hna lo i ralhrang nih an riahbuk ah an vui hna.Cu ruangah ruakvui nak cu anmah pumsa tel lo in nihin July 13 ah an tuah hi a si.Credit;TCP

Relchap;Esther Rihsawithang Kum – 23,Thihni – July 10, 4:30am,Hmun – Muse A pa, Pu Sui Thang cu (စာတိုက်မှုး) ttuannak Lumbang, Rihkhawdar, Muse tiin a thial tawn mi an si. Mai Esther hi Gym a celh tawn i,Gym dawr an phih ruangah amah te’n inn chung ah a celh lio ah thaw zat lo in a tlu.

Muse Civil Hospital ah tlikpi a si nain sizung riantuan an um lo ruangah a nunnak an chanh manh lo. Muse, MYC pumhnak ah hruaitu tuan mi le Pathian tihzah ngai mi a si. Mai Esther hi Modeling lei ah karhlan ai tim cuahmah mi a si. Unau chuahpi 3 lakah upa bik a si tiah Chinland Today Media Nih an langhter.

Tuchun Kalaymyo Ah Minung 33 Nunnak Liam Than.hi chungah Khrihfa thlanhmun ah minung 12 vui an si.tuchun tiang Kalaymyo ah nunnak a liam mi hna hi an tlawm ti lo an dih lak ah Nunnak liammi an dihlak 287 an si cang tiah kan theih.

Tuchun tiangah Falam khuachung in minung 21,Laikhua lei in minung 4 an nunnak liamcang nunnak liammi 25 an si cang.Falam sii-inn ah a nunnak a liam i Cinmual veng i RC thlan ah Volunteer pawl le Church chung tuanvo ngeitu nih an vui. Chun i a nunnak a liammi Pu Hram Thang(kum 86) zong Volunteer pawl nih tuanvo la in an vui ve.

Nizaan July 9 zaanlei suimilam 3 hrawngah Kawnpui khua mi 4 cu ramvaihnak ah an kalnak ah Tlawng tiva ah an tla i, minung 2 an nunnak liam.Ramvaih lio ah ti ah a tla mi 4 hna hi Lalhlimpuia le Vanlalhruaitluanga, Hortoki khua mi 2, ramvaih a kal ve mi nih an chanh hna nain pahnih hna cu an chanh hman ti hna lo. Ti ah a tla mi 2 lakah Lalsangliana, Kawnpui khua ruak cu hmuh a si cang nain Malsawmtluanga ruak hi an kawl lio a si.

Credit: TCP

Author: admin

Leave a Reply

Your email address will not be published. Required fields are marked *