Ralhrangbu Tih Ruangah Ram Lak A Zam Mi Hna Mipi Cu An Fuh Hna I Hmuiselnak Ah An Hman Cang Hna

Kani Ah Rallokap Nih Ramlak Tiang An Kah Hna Caah Khuami Minung 16 An Nunnak A Liam Sagiang ramthen Kani ah rallokap phu hna nih ramlak tiang an kah hna caah khuami Minung 16 an nunnak a liam tiah khuami sin in theih a si.

Kani peng Yinkhua ,Kungta khua hna in a tli zam mi mipi hna cu rallokap phu hna nih ramlak tiang kawl in an kah hna.” Nihin rallokap pawl ramlak in an chuah ah a thi mi ruak kan kawl ah minung ruak 16 kan hmuh ” tiah thah a tong mi chungkhar pakhat sin in theih a si.

Nihin July 12 ah ramlak ah hmuhmi a thi mi ruak hna cu hri temchih bu in an um i an ruak cu zoh awk a tha lo ngai tiah theih a si.Kani khua peng chung ah rallokap phu nih mi kawl in an um caah khuami hna an tlizaam , a tlizaam kho lo mi hna nu pawl sin in sui,ngun le manngei thil cu an chuh hna , an umnak inn tiang hrawh piak an tong tiah theih a si.

Credit: Than Lwin Khat(TCP)

Author: admin

Leave a Reply

Your email address will not be published. Required fields are marked *