KIA HMUN PUIAH COVID HRI HMUH A NI 

Kachin zalenna sual pawl KIA huam chhung, Mai-Ja-Ya hmunah Covid-19 positive an hmuh thu KIA Major General Guan Maw chuan nimin piah khan a sawi. Min eng zat nge an positive tih hriat a ni lova, heng hmuna awm te fimkhur a tul thu internet-ah a post bawk.

Positive an hmuh hnu atang hian Maing Chia Yan township hi lock down-a puan nghal a nih thu tualchhung pa pakhat chuan RFA a hrilh.

KIA Heatquarter, Lain Zar township-ah hian positive hmuh a la ni rih lova, KIO huam chhungah erawh chuan covid vaccine mi 22840-in an injection thu hriat a ni a, nakin leh zelah pawh an la chhunzawm dawn thu tar lan a ni.

Tamu Township-ah Sipaiin Mi 2 Kap Hlum, Sagain Region, Tamu District, Thong Ka Tin huam chhung, Naung Ket Thit khuaa Chin mi 2 te chu July ni 10 zan khan Sipai ten an kap hlum a, a ruang hlawm turin an chhung te an chhah thu nimin piah khan hriat a ni.

Sipai ten an hriattir hlim hian ruang 2 leh hliam 1 a awm thu hriat a ni a, tlan chhuak mi 1 a awm thu hriat a ni. Heng mite hi an hming hriat a nih rih loh thu tualchhuang mi pa khat chuan a sawi.

Hemi zan dar 10 velah hian sipaite leh Kyun Pin Tap-a Min Ta, leidawh kiangah Kuki Chin mi 6 te nen inhmuin an inkap ta kha a ni a, mi 2 an kap hlum a, mi 1 a tlan chhuak a. Heng mi 6 te hi rawlthar te te an ni a, Tamu atanga mel 20 vela hla Chin Kuki awmna Naung Ket khuaah an la awm mek tih hriat a ni. The Tahan Post

 

 

Author: admin

Leave a Reply

Your email address will not be published. Required fields are marked *