Hakha Khua Ah Nikhat Hnu Nikhat Pulrai zawtnak In An Karh Chin Lengmang Ko

Hakha ah COVID-19 Positive Minung 16 an i Chap.Nihin (July 12) Hakha ah minung 70 an check hna i COVID-19 zawtnak a ngeimi minung 16 an hmuh chap hna. Atulio Hakha ah COVID-19 zawtnak fehtermi minung 100 fai an um i, minung 4 an nunnak a liam cang.COVID-19 zawtnak a ngeimi hna hi Hakha Sizungpi ah le Taingyin Say sizung ah an thlopbul hna.Credit;The Chin Journal
Hmanthlak: COVID-19 mizaw pawl a alak in a phortu volunteer pawl.

Relchap;COVID-19 Caan Chung Hakha Rual-U Thlaanhmun Man an ThumhNihin zinglei ah Hakha Rual-U le Hakha Township Public Healthcare & IDPs Management Committee (HTPH & IDPsMC) an i tong i a tanglei bantuk in biachahnak an ngei.

Biachahnak: Covid-19 zawtnak pulrai a kan den chung vialte Hakha Rual U thlan ah ruakfimmi chungkhar cu thlan man ah Ks. 200,000/- lawng lak a si cang lai. Khrihfabu member chungah a har tukmi an um sual ahcun hi Committee sinah thawng nan kan thanh lai. (092450314, 09421158480).

Ruak phorhnak caah Rual U nih an kan hlanhmi hi Committee motor nan hman ahcun dawtnak he alak tein bawmh nan si lai. (09400311644). Rual U thlan ah PPE uniform phoihnak tha tein sakpiak a si cang caah Uniform phoihnak hmun le khanghnak hmun ah ralring tein PPE uniform i hruk/phoih le khangh ta khawh kan i zuam hna lai.

Theihternak: Mithi um tik ah mah le Khrihfabu le sang le veng cio nih tuanvo lak in vui a si caah PPE Uniform tling tein tuanvo nan lak cio lai. Nan i ralrin manh lo ahcun hi Committee sinah bawmhhal khawh a si. (Ph. 09423661278, 09400303091). Ruakkuang kongah siizungpi ah lakhruak herhmi nan um ahcun Ks. 80,000/- in hman khawh ding in timhtuah piak cia mi a um. Bawmh hal khawh a si. (Ph. 09442001362). Update kan tuah lengmang lai caah Phone number tete aa thleng kho i kan page ah kan leng lengmang ko u tiah kan in sawm hna.
Credit;The Chin Journal
July 13, Hakha
(HTPH & IDPsMC)

Author: admin

Leave a Reply

Your email address will not be published. Required fields are marked *