Civil War Avanga Tuarna Rapthlak

Hnuk a va ulh duh tak em, Civil War Avanga Tuarna Rapthlak, Ko U Maung leh a nupui Daw Aye Aye Thein te chuan fa 3, kum 7 mi Maung Wi Yan Lin, kum 4 mi Maung Ko Ko Lin, kum 2 mi Maung Kyaw San Win te neiin Rakhine State Kyauh Taw township, Swe Pyi khawteah an khawsa ve naw naw a. Nakinah eng boruak nge an tawn dawn tih erawh an hre lawk hauh lo le.

Ni tin ei chawp zawng an nih avangin an nupa chuan an khua atanga mel 2 vela hla, tlang chheng chhe karah an feh thin a. An feh chhuah hma zing dar 7:00-ah hian an fate ei in tur an siamsak hman vek a, chumi hnuah kein an ram chhuak ni tin thin a ni.

Hetia an ram chhuah hma hian pa ber Ko U Maung hian a fa upa ber kum 7 mi, Maung Wi Yan Lin-a chu a naute kilkawi turin thu a chhah ziah thin a. An feh chhuahsan thin hian naupang 3 chauh nia kalsan chu an ngaihtuah hle thin a. Ni khat thawh, ni khat ei thei ngawr ngawr an nih avangin an thawh loh chuan mei alh en an ni mai dawn si a.

“Hnathawh laite chuan eng emaw a thleng palh ang tiin kan fate chu kan rilruah an awm reng thin a, hma taka haw turin tang kan la ve fat fat nupa thin a. Tlaia kan haw chan te hian kan fa ten nghakhlel takin min lo thlir reng thin, thlahlel em ema fate hmel han hmuh hi chuan ni lenga kan chauh pawh kan hre tawh lo a ni ber mai,” tiin Pa ber chuan a sawi a.

Kan thlai hnah leh thil dang hawn te chu kan tel zawh hnuah khawchhungah vahpuiin kan zuar thin a, ni khatah Ks.5000/ 6000 vel kan hmu ve thei a, chu chu kan chhungkua inchawmna a ni ber mai. Hetia chhungkaw hlim taka kan awm lai hian inkahna lo awm tawhin kan chungah nghawng lian tak mai a rawn nei ta a ni.

April ni 4, tlai lama, pa ber Ko U Maung-a thlai hnah tel lai chuan nu ber Daw Aye Ayr Thein chuan inhnuaiah a naupang ber hnute a hnektir a, a bul lawka a falai leh upa ber te infiam paha an nuih ker ker lai chuan ring mangkhengin thil a puak dur mai! Pa ber Ko U Maung-a’n a han hmuh chuan rapthlak a ti kher mai!

A fa upa ber chu tlan chhuakin ‘Ka pa, ka pa tichulin a tap ta vak vak’ mai a. Nu ber chuan ‘Paa, eng tin nge kan tih dawn, ke 2 ka nei ta lo’ a ti a. A fa lai pawh chuan ‘Ka pa, ke ka nei ta lo’ tiin lungchhe vankaiin an tap hawm hawm a. A naupang ber phei chu a thi zui nghal a.

Pa ber Ko U Maung-a’n ‘Tu ber nge ka bawihsawm dawn tih ka hre tawh lo, ka hamhaih vek tawh a, ka riru a chiai zo vek! Ka A dawn ni te hian ka inhria’ a ti a.The Tahan Post – (True Story) By Development Media Group (DMG)

PDF Southern Command Headquarters tan AAC Alliance pawlin Kyat nuai 1000 Pe, National Unity Government, Ministry of Defense hnuaia People Defense Foce (PDF), southern command headquarters tan Thailand based Aid Alliance Committee (AAC) pawl chuan Kyat nuai 1000 emergency-a hman atan, June ni 23 atanga July ni 11 chhung khan vawi 6 pekin a pe a. A hmasa ber atan Thai 612000/-, a vawi hnihnaah Baht 219421, a vawithumnaah 336430, a vawi linaah 242002, a vawi nganaah 456272, a tawp ber a vawi ruknaah 173875, a vaia belhkhawmin Baht maktaduai 2 leh sing 4 chu hlan fel a lo ni ta a ni.

 

NUG sorkar din tirh khan Defense Minister U Raymond-a hnena tanpuina petu hmasa ber AAC chuan Thai pawisa baht maktaduai 1 a lo hlan tawh a. Thailand based AAC pawl hian Thailand-a awm Myanmar mi leh sate thawh khawm pawisa chu mamawh zualna hmunah rang taka thleng thei turin, humanitarian assistance, ei leh bar, damdawi leh mamawh dangte tan National Unity Government kaltlangin a lo pe thin a ni.

Author: admin

Leave a Reply

Your email address will not be published. Required fields are marked *