Tuchun Falam Ah Pulrai Ruangah Minung Pahnih An Thi Hawi Ee

July 12.Falam Ah Covid In Minung Pahnih Nunnak Liam.Tuzing ah Salai Cin Sum Bik(kum 29) le Pu Anselm Vung Suan Kham(kum 64) cu Falam sii-innpi ah an nunnak liam i Canmari thlanhmun le RC thlanhmun ah Volunteer pawl le Church chung tuanvo ngeitu nih an vui hna.

Relchap;COVID-19 Runvennak ca ah SAC Palik pawl Aithing Haang an Dinter Hna.Irrawaddy ramtthen chung i palik pawl COVID-19 zawtnak nih a chonh khawh lo hna nakhnga ramtthen SAC zung nawlpeknak in aithing haang an dinter hna.

A poituk Mipi Vengtu Ralkap Pakhat Kan Sung Than.Kalaymyo mipi vengtu ralkap In Khant Cin (kum-28) Lai pa cu Covid zawtnak in a nunnak a liam tiah theih a si.

In Khant Cin cu Kalaymyo Covid zawtnak a karh tuk lio ah volunteer in mipi caah riantuan mi a si. Covid zawtnak aa chawnh hnu nihin zinglei suimilam 6:30 hrawng ah a nunnak a liam“Nizan lamzawhnak an dih hnu lawng ah an theih caah nihin ah nunnak a liam mi caah ngaihchiat pi nak an tuah. In Khant Cin hi PDF chungtel pakhat a si cun Covid runvennak ah volunteer in riantuan mi zong a si” tiah Kalaymyo lamzawhnak hruaitu pakhat nih a chim.

In Khant Cin cu vauruang dothlen lamzawhnak ah a tel mi a si, March thla ni 2 Kalaymyo Bochoh lamtonnak lamzawhnak ah ralhrang nih meithal kuan in mipi an thencheu hna lio ah laithuam hruk in hmai ah a dir mi asi.

Credit: Than Lwin Khet News (TCP)

Author: admin

Leave a Reply

Your email address will not be published. Required fields are marked *