TAHAN, KALAYMYO LEH A CHHEH VEL

Nimin (8 July 2021) khan Kalaymyo huam chhungah mi 22 an boral a. Kawlkulh Covid-19 center-ah hian positive mi 230 an awm a, mi 38 an dam chhuak, ni khat thil thua enkawl dam tam ber a la ni. Kalay civil hospital-ah positive mi 33 leh Traditional Medicine hospital-ah mi 30 enkawl mek a ni. Kalaymyo Kristian thlanmualah mi 14, vui liam a ni a. July ni 1- 8, 2021 chhunga thi zat mi 229 an ni tawh tih hriat a ni.

Tukin (9 July 2021) Tahan Bazar Building chhak leh thlang, kawng kam dawr kai, tuk dang aiin an tam emaw tih tur a ni a, a kiang lawkah covid vanga boral an awm pawhin barah an khawn lem lo tih hriat a ni. Tukin vek khan Tahan Bazar chhuah lam lawkah kum 67 mi oxygen kham loh avangin a boral thut a, vui liam nghal vat a ni. Tahana hruaitu pakhat.

sawi dan chuan Tahan leh a chheh velah hian covid hri kai kan tam tawh ngawt ang, taksa chak lo leh natna nei sa ten an thihpui hma a, mi dang pawh hi pawn chhuak lova, inchawm that a, fimkhur taka awm a tul thu a sawi a ni.

Tukin (9 July 2021) khan Tahan chhuah lam Sanmyo Kawl unau tlawmngai pawl hnenah nilengin Oxygen thuna intlar an thahnem hle a, Oxygen mamawh an la tam hle tih hriat a ni.  Vawiin (9 July 2021) khan Khampatah covid hri test mi 25 zingah positive mi 8 hmuh a ni a, dam chhuak mi 10 an awm. Mi 3 an thi tawh tih hriat a ni.

Vawiin (9 July 2021) khan Tiau (Myanmar leh Mizoram, Zokhawthar inri-na)ah lockdown kar 2-na hman mek a ni a, Rihkhawdar unaute chuan an leipui chhuak thlai hnah leh ei tur chi hrang hrang Tiau unaute tan an pek thu hriat a ni.

 

Author: admin

Leave a Reply

Your email address will not be published. Required fields are marked *