Zanniat Ram Le Mipi Cu Ralhrangbu Kut Ah Salai Thian Lian Nih A Pek Timi Kongah FIanternak A Tuah Cang

Zanniat ram le mipi ralhrangbu kut ah a petu Dalaan Salai Thian Lian nih Dalaan ka si lo tiah fianternak a tuah.Salai Thian Lian nih a chim nak ah cun kei mah cu Chin miphun ka si bantuk in ka ram le miphun ka dawt tuk ve.a tu ah kei mah hi Covid ka nei i kei mah hmanh ka thi lai amw ka nung lai tiah lungrethei in ka um lio ah zeiruangdah ka Miphun cu ka lei rawi lai?

Dalaan ka si lo nak a ruang le ka dir hmun cu voi 4nak tiang fianternak ka tuah cang na in mipi nih an theithiam lo pin ah an hmuh kho loh.kei mah hi ralhrangbu ah rian t’uan mi ka si ve ruangah ram le miphun leirawitu Dalaan ka si ti nak a si lo, ram le miphun nan dawt tluk te in kei mah zong nih ka dawt ve.Chinram le miphun kongah ningcang lo in zei thil hmanh ka tuah.cucu a nungmi Pathian a zum mi kan si caah Pathian nih a theih dih tiah fianternak a tuah.

Salai Thian Lian konghe [ehtlai in mah tin kan rak theih! Kan theih bantuk in Chinram Zanniat ram chungah ralhrangbu hna nih khua khat hnu khua khat an luh hnawh hna i an hriamnam phung tling in mipi an kah cuahmah hna pin ah an inn lo an bauh piak hna i,an hmuh mi thil an fir cuahmah ruangah mipi cheukhat cu inn lo chuah tak in hmunhim nak lei ah an zam tiah theih a si.

Hi ruangah Zanniat pengtlang Biaknak hruaitu le mibu hruaitu hna nih cun ralhrang hna he kahdaihnak an tuah.asinain cu kahdaihnak an tuah mi cu ralhrangbu pawl nih an zul hlei lo i cu hlan kel ning tein an cawlcang cuahmah t’hiam rih tiah theih a si.Zanniat pengtlang chung hmun khuar ralhrang pawl hna kongah a tanglei bantuk hin fianternak an vun tuah t’han.

Chinram Zanniat pengtlang chungah ralhrang pawl hna nih an duh paoh in an um kal khawh nak le mipi an temtuar nak a ruang cu Dalaan Salai Thian Lian ruangah a si.Salai Thian Lian nih ralhrangbu hna cu lam a hruai hna i Zanniat pengtlang khua le hmun kip ah a zulh hna pin ah mipi hna cu an ci hmih a timh hna.Salai Thian Lian hi ralhrang ralkap a si ve tiah theih a si.


Salai Thian Lian nih Zanniat ram chungah a cawlcangh ning le mipi cungah a tuahser mi hna cu fianrial tein kherhlainak tuah a si cang hnu ah Zanniat mipi temtuar nak a ruang cu Salai Thian Lian hi a si.a mah hi Dalaan pical taktak a si tiah tehte he thanh a si cang.Zanniat ram mipi ralzam dirhmun ah a chiatu cu Salai Thian Lian hi a si tiah Kalay myo lairawn mino news group nih a langhter.

Author: admin

Leave a Reply

Your email address will not be published. Required fields are marked *