Ram Le Miphun Caah Nunnak Petu Hna CNDF Falam Pasal Tha

SAC Ralhrang Dohnak ah a Nunnak a Liammi CNDF Mino 5 Upat Peknak an Tuah.Falam le Kalay karlak ah SAC ralhrang pawl CNDF nih an rak kah hna lio ah a nunnak a liammi CNDF chungtel mino 5 hna cu zunngeihpar hun in upat peknak an ngeih hna.

A nunnak a rak liammi hna cu: Salai Naing Aung, Salai Țial Hup, Salai Van Bawi,Salai Aung San Win, Salai Thawng Zel an si. A nunnak a laimmi mino panga upat peknak le taantakmi chungkhar ngaihchiatpinak zong CNDF nih naite ah ca in an rak chuah cang.


CNF nih Ralkap 15,000 Leng Raldoh Ningcang a Cawnpiak Khawh Cang Hna.SAC nih Myanmar ram uknak an chuh hnu in Myanmar ramchung hmun kip in Camp Victoria a rak panhmi minung 15,000 leng CNF nih Training a pek cang hna, tiah CNF vice-chairman (3) Dr. Sui Khar nih CNN ah a chim.

CNF Headquarters ah CNN Journalist Sam Kiley pumpak in a kal i, CNF ralbawi hna le raldoh a cawngmi Myanmar ramchung hmun kip in mino hna he biaruahnak a ngei. Dr. Sui Khar nih, “Atu tiang ah minung 15,000 leng raldoh kan cawnpiak dih cang hna. A thar in a rak phanmi zong an tampi rih. NUG nih ralhriam damhpiak a zuam hna lai,” tiah CNN ah a chim.

Cun, aralaimi thla chung ah Myanmar ram huap piin ramchung ral a chuak ko lai, tiah Dr. Sui Khar nih a chim chap. “Atulio ah cun khuapi chung ah apiakpak in kahdohnak a um. Asinain, aralaimi thla chung ah ram huap in ramchung ral a tho ko lai,” tiah a chim.

Credit: The Chin Journal

Author: admin

Leave a Reply

Your email address will not be published. Required fields are marked *