Japan MP-ten Myanmar-ah NUG lo Sorkar Dang A Awm Loh Thu An Sawivelavela

Myanmar 2020 election result chu khawvelin a pawm a, NUG – National Unity Government pawh ring ngamin, Myanmar ram chhungah sorkar dang a awm loh thu leh thuneihna pawng lak an pawm loh thu chu Japan ram parliament member, Japan-Myanmar friendship Parliament member pawla Chairman ni bawk, Myanmar democracy zin kawng support-tu Parliament member pawla Vice Chairman ni bawk Mr. Ichiro Aisawa chuan a sawi a ni.

July ni 6, 2021-a National Unity Government (NUG) Union Minister te leh Japan Parliament member te online-a meeting neihnaah anni chuan chutiang chuan a lo sawi a.

Japan parliament member Mr. Ichiro Aisawa chuan sipai lamin vote tihchingpen chhuanlama thuneihna an lak chu pawm theih a ni lo, Myanmar November thla inthlanpui chu a dik tawk a ni tih khawvelin a pawm a. Thlantlin memberte leh ethnic mi tlem zawkte tela din National Unity Government (NUG) chu kan ring a, sorkar dang Myanmar ramah a awm lo tih pawh kan ring bawk a ni, tiin a sawi a ni.

Ani chuan sipai thuneitu ni lo, NUG sorkar chu a taka sorkar ni thei a ni a, chu chu Myanmar ram mipuiin an lantir avangin, Japan chuan a tanpui ang. Japan ODA (Official Development Assistance) tanpuina hi sipai tanpuina tur a ni lo, ralthuam leina tur ni lovin, zirna, damdawi inenkawlna, thiamna lama tanpuina leh ei leh bar lama tanpui a ni bawk a. Japan ODA tanpuina tihtawp a nihna chhan chu sipai lamin hlawkna a tel theih loh nana tih a ni a, mipui chan ai tur khawih chingpen hlauh vangin, mipui tana direct-a hlawkpuina tur kawngte dap mek a ni tiin a sawi zawm a.

Chutiang bawkin, Japan upper parliament member, Myanmar democracy thlawp em emtu, parliament member pawla general secretary ni bawk Mr.Michihiro Ishibashi pawhin, sipai sawichhiatna chu pawm a, eptu party zawng zawng pawhin thlawp chu Myanmar mipui tana tanpuina a nih theih a rin thu a sawi a. Sipaite hnena ralthuam hralh lo tur leh harsatna tawk Myanmar mipui ei leh bar, damdawi inenkawlna lama tanpui ngei an tum thu a sawi ve bawk a ni.

He meeting-ah hian Japan rama lower parliament member Mr.Ichiro Aisawa, upper parliament member Mr.Michihiro Ishibashi, Mr. Yutaka Nagasugi ( Vice President, Japan Myanmar Friendship Association, CEO, MYANMAR JAPON CO.,LTD., Mr. Toshio Tanabe (Freelance reporter) leh NUG sorkar-a Parliament member leh Union Minister-te an tel a ni.The Tahan Post

 

Author: admin

Leave a Reply

Your email address will not be published. Required fields are marked *