Misual Ne Win Nih Sianghleirun Ngakchia A Rak Thah Mi Hna Mipi Nih An Thar Chuah

Ne Win nih Siangngakchia 100 Leng a Rak Thah hnanak Kum 59 Tlin Philh Lo Lamzawhnak Myanmar Ram Hmun Kip ah an Tuah.Aluancia July 7, 1962 ah rialdip uktu Ne Win nih Yangon University siangngakchia 100 leng ruru hranghrang in a rak thah hnami philh lo lamzawhnak cu nihin July 7 ah Yangon le Mandalay telh in Myanmar ramchung khuapi tampi ah an tuah hna.”July 7 lungput he ralkap uknak ahram cat lak in do u sih,” timi catar pawl he lamzawhnak an tuah hna.


SAC nih nawlngeihnak a laak hnu ah Chinmi 81 nunnak a liam.SAC nih nawlngeihnak a laak February 1 in July 5 tiang ah Chinmi minung 81 an nunnak a liam cang, tiah Institute of Chin Affairs (ICA) nih a thanh.

Nunnak a liam mi hna hi Chin Ramkulh chung in minung 51, Kachin Ramkulh um mi 2, Sagaing Ramthen chung um mi 23, Yangon le Mandalay Ramthen in 1 veve (2), le Magwe Ramthen in 3, an dihlak 81 an si.

Mah nunnak a liam mi 81 hna lak ah nu minung 5 an i tel i ngakchia 10 an i tel tiah ICA nih a thanh. ICA cu Ramleng a phan cang mi 88 Generation hna nih an dirh mi phu a si, tiah kan theih.

Credit: The Chin Journal & The Hakha Times

Author: admin

Leave a Reply

Your email address will not be published. Required fields are marked *