Kawlram Mipi Caah Japan Cozah Nih Thawngpang Tha Tuk A Vun Chim Ve Cang

Japan MP pawl nih NUG Lawng kan Zumh tiah an Chim .Atulio Myanmar ram phungning in a hruaitu ding ah NUG lawnglawng kan zumh i, NUG dahtilo Myanmar ram ah a dang cozah a um lo, tiah Japan MP nih an lungput an langhter.July 6 ah NUG ramkomh vuanci pawl le Japan MP pawl online in ton biaruahnak an ngeih hna i cu tonnak ah cun Japan House of Representatives ah chungtel a si i, Japan-Myanmar Parliamentary Friendship Association ah Chairman zong a simi Mr. Ichiro Aisawa nih a cunglei bang in a chim hi a si.

Mr. Ichiro Aisawa nih, “2020 Myanmar thimnak result hi vawleipi nih a theihpimi le a cohlanmi a si. Thimnak ah teinak a hmumi palai pawl le tlangcungmi hna nih an sermi NUG cozah lawnglawng hi kan zumh. NUG dahtilo Myanmar ram ah a dang cozah an um lo,” tiah a chim.”Myanmar rammi hna nih NUG an dirkamhnak le an cohlannak an langhter bang in Japan zong nih NUG hi kan dirkamh lai,” tiah a chim chap.

Japan nih Myanmar ram ah tangka bawmhnak a rak pek tawnmi (Official Development Aid-ODA) cu SAC nih uknak an chuh hnu in Japan nih pek rih lo ding in a tlaih chung.Cu kong he pehtlai cun Myanmar Democracy dothennak a dirkamhtu Japan MP bu ah General Secretary a simi Mr. Michihiro Ishibashi nih, “ODA bawmhnak pek rih lo ding in bia kan chahnak aruang cu

Hi bawmhnak hi Myanmar ralkap nih ralhriam cawknak ah hman ding in kan timi a si lo; Myanmar ramchung fimcawnnak, ngandamnak le nunkhuasaknak lei tthanchonak ca ah hman ding in kan pekmi a si. Ralkap nih anmah rianttuannak ah an hman lai timi kan duhlo ruang ah bawmhnak pek rih lo ding in kan let chung hi a si,” tiah a chim.NUG le Japan MP pawl tonnak ah Japan lei in Mr. Ichiro Aisawa le Mr. Michihiro Ishibashi telh in upa panga nih an telpi hna.

Credit: The Chin Journal

Author: admin

Leave a Reply

Your email address will not be published. Required fields are marked *