Chin Ramkulh Falam Pengtlang Hmun Pakhat Kahdohnak In Nunnak Pe Tu Hna

Kan Miralttha pawl Suunnak Chin National Defense Force ralkap, kan miralttha pawl a simi hnaSalai Naing Aung  (22) Salai Tial Hup (41) Salai Van Bawi (22) Salai Kyaw San Win (23) Salai Thawng Zel (22) hna cu 2021 June 29 ni ah anmah te duhthimnak le biakamnak an tuah bangin ram le miphun dothlennak caah an nunnak an pek.

Chin Ramkulh, Falam Pengtlang hmun pakhat ah Chin mipi humhim dingah raldo phahin ram le miphun caah an nunnak an rak pek.Miphun dothlennak caah an pumpek an i pek ruangah CNO/CNDF in upatnak sangbik kan pek hna i, an tantak mi an rualchan cingla hna nih an tuarnak le an mit thli tlak nak cu kan lungthin taktak in kan tuar pi hna Tiah Fianternak An Tuah.

Relchap: PDF nih a Voi 5nk Training Limnak Tlamtling in an Tuah Khawh.Caankarlak Myanmar cozah NUG nih a sermi People Defense Force (PDF) nih July 5 ah a voi 5nk raldoh cawnnak tlamtling tein an lim khawh.

 

NUG nih Myanmar ramchung ah PDF Command Center panga in a ser i, atutan training a limmi hna hi Southern Command (တောင်ပိုင်းတိုင်းစစ်ဌာနချုပ်) ah a pum aa pemi mino pawl an si hna. “A caan zat tik ah Myanmar ram huap in ralthawhnak thawng kan thanh te lai,” tiah aluancia June 4 ah NUG nih a rak thanh.

Yangon ah Chungkhar in a Zaw Dihmi Laimi Pastor Chungkhar Minung 4 Sin in COVID-19 Zawtnak an Hmuh. Insein, Poh Daw Wa i Moe Ditha Housing ah a ummi Laimi pastor chungkhar pakhat an zaw dih i nihin zinglei ah Chin Christian Alliance (CCA) secretary Sayama Charity Htoo hruainak in sibawi bawmh an hal i checknak an tuah hna.Chungkhar minung 5 checknak an tuah hna i minung 4 sin in COVID-19 zawtnak an hmuh, tiah kan theih.

Ne Win nih Siangngakchia 100 Leng a Rak Thah hnanak Kum 59 Tlin Philh Lo Lamzawhnak Myanmar Ram Hmun Kip ah an Tuah. Aluancia July 7, 1962 ah rialdip uktu Ne Win nih Yangon University siangngakchia 100 leng ruru hranghrang in a rak thah hnami philh lo lamzawhnak cu nihin July 7 ah Yangon le Mandalay telh in Myanmar ramchung khuapi tampi ah an tuah hna.”July 7 lungput he ralkap uknak ahram cat lak in do u sih,” timi catar pawl he lamzawhnak an tuah hna.

Credit:The Chin Journal

Author: admin

Leave a Reply

Your email address will not be published. Required fields are marked *