Naypyidaw Yangon Mandalay Ah Biatak Kahdohnak A Chuah Lo Ah Cun CHinram Policy Thlen Hau Cang

1) Naypyidaw, Yangon le Mandalay ah kahthahnak le raltuknak hi a um hau. Ramri le Lairam hrawnghrang kahdohnak nih Myanmar thlennak ngaingai a umter lai lo – PDF le hriamtlai hna nih, Min Aung Hlaing le ralkap uknak “Naypyidaw, Yangon le Mandalay” hmunhma in an doh lawlaw hau cang. Ramri le tlangcung kahdohnak nihcun, tlangcungmi harsatnak tam tuk lehlam an kan pek. Anmah Kawl le ralkap vawlei ah luhhnawh caan si cang.

2) Lamzawh le CDM tbk zong hi Myanmar ah milu tam cem Kawl miphun an hmaisat hau. Ralkap nih Kawlmi vialte daihter hna sehlaw, tlangcungmi aukhuannak hmualngeihning hi a level ai dang lai. Ralkap uknak rawhter timh ahcun, an laicer (centre) bak hrawh hau. Tlangcungmi lawng tuahmi le tlangcung hmunhma (area) lawng cangmi thil nih Myanmar a thleng taktak kho lai lo. Kawlmi hi forh peng an hau.

3) Tlangcungmi nih mahle ramri cio vennak in kahdohnak tuah ding timi policy nih tlangcungmi lila cungah harnak tampi chinchin a umter lai. Tlangcungmi area in Kawl ralkap he kahdohnak nih thlennak umter lai lo – kum 70 leng Karen nih an tuah cangmi si. Tlangcungmi area raldohnak tuah loin, Naypyidaw, Yangon le Mandalay ah tuah caan si. Mah ramri le area cio in kahdohnak le runvennak tuah ding timi policy hi thlen a hau cang.

“Mi kut in rul tlaih”, “mah covo cu mah nih lak ding”, “mah ramri cu mah nih ven ding” tbk bia i-hlenter lo ding. Kan ramri le vawlei ah kum 50 leng kan doh cang hna. Tu cu kan ramri ah si ti loin, anmah Kawl ralkap hmunhma ah kan doh cang hna hau. Mah locun Myanmar ai thlen hlanah, tlangcung mino tam tuk an thi lai, zaran harnak fak tuk an tong lai, ralzam tam tuk kan karh lai. Kahthahnak chungah kan lut cang ko i, i-hngah caan si ti lo. Pakhat le pakhat kan i-hngah chungah, thihnak le mangttam nih ngoltermi zong um sual khawh fawite.

Credit:Van Nun Lian

Author: admin

Leave a Reply

Your email address will not be published. Required fields are marked *