Military Council Ralkap Tanpitu Piu saw thi Phuaih pawl An Cang vai

Military Council Ralkap Tanpitu Piu saw thi Phuaih pawl An Cang vai, July ni 2, zan nazi 7 hrawngah khan Mingyan khua veng no. 20 (Daungchaung)-ih umnak in pakhatah bike cung pawl phuah khat cu fehin, in sungih NLD working committee member hlun, private high school ca zirhtu kum 55 U Moe Hein leh kum 45 mi a nupi Daw Su Su Hlai te cu an kap that tiah theih a si,  An kap that theh hnuah cu mi pawl cun, “Piu-saw-thi phuaih pawlin kan kap a si, tiin an au suak cih a si.

 

Chu in venghnen pakhat cun, mi ziangzet ciah an si ti cu ka thei lo ih, zokhal a leng suak ngam an um lo, an va luh cun tlawng saya pa cu tohkhamah a rak to ih,   an kah zikte ah khan ti hlah uh ti hlah tiin a rak ti ih, a a tawnglai ah an kap that cih a si tiin an sim.

 

Piu-saw-thi  phuaih pawl cun Mingyan khuaih mi 38 cu black list-ah an retih hronak phun phunin thusuah an rak tuahih  Cu an thusuah mi ih sin  a ni 6-nakah hhi mite nupa hi thah an si.An kah thah mi U Moe Hein leh a nupi ruang cu ralkap leh police lamin a zan la lain, an thiar suak nghal ih, thil thlen dan cungcangah police leh Ralkap lam cun an venghnen pawl  cuziang hman thusuh fiangnak an nei lo tiah theih a si.

Cuvek tual thahnak thubuai tuah leh zingzawinak ziang hman a um lo bakah ralkap lam cun an sungte pawh theihter lovin, tuzin zing lam nazi 9-ah Suepyokuang thlanmualah ruang cu an maiih thu ten an ur thu khaw sung mi pawl cun an sim a si.Chutih rualin Seven People Defence Force (SPDF) cun Mingyin township-ih Piu-saw-thi leh Dalan pawl cu na takin thungrulh an tum thu  thusuah an tuah ve cih a si.

 

Author: admin

Leave a Reply

Your email address will not be published. Required fields are marked *