CURRENT SHOCK AVANGA A BÂN PAHNIH AN TANSAK EUNIK-I PUALIN CHENG ₹5,50,500/- HLAN

Vawiin July ni 5 kum 2021(thawhtanni) chawhnu dar 3:00pm khan April ni 20 kum 2021 a current in a shock avanga a bân pahnih an tansak tak Eunik Ramengmawii kum 5 mi puala mi inphal te sum leh pai lo thawh khawm cheng ₹5,50,500/-(nuai nga sing nga zanga) chu Zo Inspiration ten an khua a an chenna in ah kan va hlan fel ta e.

 

Pawisa heti zat mai lo thawh khawm tu zawng zawngte Lalpan a let tam takin malsawm che u rawh se. Tin, kan post/update te social media hmun hrang hranga min lo suan kual sak ṭhintu te chungah thinlung takin lawmthu kan sawi bawk a ni.

 

Eunik-i hi pawl khat zirlai a ni a, naupang fel leh thuawih tak mai niin an in a hun kan va hman lai pawn thuawih leh fel fai takin min lo dawng sawng a ni. A ke hmanga lehkha ziah te a zir chho ṭan mek a, chubakah a ke hmangin mobile phone te a pick up thei tawh a, mobile games te pawh a ke hmangin a khel ve thei tawh bawk a ni. Nakinah nula entawn tlak tak la ni ngei turin duhsakna sang ber kan hlan e. Pathian in vengin awmpui zel rawh se. Zo Inspiration

Author: admin

Leave a Reply

Your email address will not be published. Required fields are marked *